MIKAH 6:14 - Khasi CL Bible (BSI)

¹⁴ Phin bam, hynrei phin ym sngewhun — ha ka jingshisha phin dang ïai thngan hi. Phin rah bak ïa kiei kiei, hynrei phin ym lah ban ri ïa ki; ïa kino kino kiba phi lah ban ri, ngan pynjot ïa ki ha ka thma.

KA BAIBL

¹⁴ Phan bam keiñ, hynrei, phan ym kdang: bad kata ka jingpynrit ïa pha kan long hapdeng jong pha: bad phan pynkynriah, hynrei, phan ym ïoh rah noh skhem; bad ïa kata kaba pha rah noh ngan ai noh ha ka waitlam.

MIKAH 6:14 ပူးပေါင်းရင်းမြစ်များ

ISAÏAH 30:6

Kane ka dei ka khubor jong U Blei shaphang ki mrad jong ka ri shyiap bashathie: “Ki nongkit 'tiensyiem ki ïaid lyngba ka ri bashyrkhei, ha kaba ki sing ki don bad ha kaba ki bseiñ kiba don bih bad ki Ïakjakor kiba her. Ki pynkit halor ki kada bad ki ut jong ki da ki jingai sngewbha baremdor na ka bynta ka hima ka bym lah ban ai ïa ki kano kano ka jingïarap.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

ISAÏAH 9:20

Hangno hangno hapoh jong ka ri, ki briew ki knieh kynthet bad ki bam ïa kano kano ka jingbam kaba ki lah ban shem, hynrei ïa ka jingthngan jong ki ym lah da lei lei ban pynkdang. Ki da bam ruh wat ïa ki khun jong ki hi!

JEREMAÏAH 48:44

Uno uno uba pyrshang ban lait na ka jingshyrkhei un hap hapoh ki liewlep, bad uno uno uba kiew na ki liewlep un ngat ha ki jingriam, namar U Trai u la buh por na ka bynta ka jingpynjot ïa ka Moab.

ESEKIEL 5:12

Shi bynta na ka lai bynta jong ki briew jong pha kin ïap na ka jingpang bad jingthngan ha ka nongbah; shi bynta pat kin ïap da ka waitlam shabar ka nongbah; bad ïa ka shi bynta kaba dang sah ngan pynsakma sha ki sawlyer, bad ngan beh ïa ki nadien da ka waitlam.

HOSIA 4:10

Phin sa bam ïa la ka bynta na ki jingkñia hynrei phin ïai thngan. Phin sa mane ïa ki blei pynkharoi, hynrei la katta ruh phin ym ïoh khun satia, namar phi la phai lyndet na nga bad bud ïa kiwei pat ki blei.”

LEBITIKOS 26:26

Ngan ot noh ïa ka jingpynpoi jingbam jong phi, ba kumta shiphew ngut ki kynthei kin donkam tang kawei ka dpei ban shet ïa u kpu baroh uba ki don. Kin ïasam ïa uta u kpu da kaba shu thew, bad wat haba phi la bam lut ïa u ruh, phin dang thngan.

HAGGAI 1:6

Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

HAGGAI 2:16

phi leit sha ka thup kew da kaba khmih lynti ban shem arspah kilo, hynrei yn don hangta tang shispah. Phin leit ban tong shispah litar ka waiñ na ka jingbuh hynrei phi shem tang sawphew.