MIKAH 5:8 - Khasi CL Bible (BSI)

⁸ Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

KA BAIBL

⁸ Bad kiba sah jong u Jakob kin long hapdeng ki jaid bynriew, hapdeng bun ki kynja bynriew, kum u sing hapdeng ki mrad khlaw, kum u sing samla hapdeng ki kynhun langbrot: uba, lada u ïaid lyngba, u ïuh roit bad u tar lyngkhot, bad ym don u ban pyllait.

MIKAH 5:8 ပူးပေါင်းရင်းမြစ်များ

JENESIS 49:9

U Judah u long kum u sing, Haba u la pynïap ïa uba u thmu u leit phai sha la krem; Hangta u dem, bad u thiah. Uei uba nud ban pynthut ïa u?

SALM 104:20

Me la thaw ïa ka miet, bad ha ka jingdum baroh ki mradkhlaw ki mih shabar.

SALM 44:5

bad da ka bor jong me ngi jop ïa ki nongshun jong ngi.

SALM 50:22

“Shahshkor ïa kane, ma phi ki bym patiaw ïa nga, lymda kumta ngan pynjot ïa phi, bad yn ym don mano mano u ban pynim ïa phi.

PROBERB 30:30

Ki sing, kiba khlaiñ tam na ki mrad baroh bad ki bym tieng ïano ïano;

ISAÏAH 5:29

Ki shipai ki kyrhuh kum ki sing kiba la pynïap ïa ka mrad bad kiba la rong ïa ka sha ka jaka ha kaba ym don ba lah ban knieh ïa ka na ki.

ESEKIEL 39:10

Kin ym hap shuh ban khar diengïap sha lum sha wah ne thoh dieng na khlaw, namar ki don ki tiar ïapom ba la iehnoh, ban thang ding. Kin kurup bad lute ïa kito kiba la kurup bad lute ïa ki,” U Trai Nongsynshar u la kren.

HOSIA 5:14

Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.

MIKAH 2:12

“Hynrei ngan lumlang ïa phi, phi baroh ki paid Israel kiba dang sah. Ngan wallam lang ïa phi kum ki langbrot sha ka kynhun. Kum ka jaka bam phlang ba-dap da ki langbrot, ka ri jong phi kan dap biang sa shisien da ki paidbah babun.”

MIKAH 4:13

U Trai u ong, “Ko ki briew ka Jerusalem, to leit bad pynshitom ïa ki nongshun jong phi! Ngan pynlong ïa phi kiba khlaiñ kum u masi kyrtong uba don ki reng nar bad ki kjat rnong. Phin pynlwet ïa ki jaitbynriew ba bun, bad ïa ka spah kaba ki la ïoh da ka jingleh jubor phin ai sngewbha ïa nga, U Trai jong ka pyrthei baroh kawei.”

MIKAH 4:7

Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

MIKAH 5:3

Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEKHARAÏAH 10:5

Ki paid Judah kin jop kum ki shipai kiba kyrdem ïa ki nongshun jong ki ha ka ktieh jong ki lynti bah. Kin ïaleh namar U Trai u don bad ki, bad kin jop wat ïa ka kynhun shipai shong kulai jong u nongshun.

SEKHARAÏAH 11:6

(U Trai u la ong, “Ngan ym isynei shuh ïano ïano ha ka pyrthei. Ma nga da lade ngan buh ïa ki briew baroh hapoh ka bor jong ki nongsynshar jong ki. Kine ki nongsynshar kin pynjot ïa ka pyrthei, bad ngan ym pyllait ïa ka na ka bor jong ki.”)

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

SEKHARAÏAH 14:18

Lada ki nong Ijipt ki kyntait ban rakhe ïa ka Jingkhawai Niam Ki Ïingtrep, te yn sa shoh ïa ki da kajuh ka jingpang kaba U Trai un phah ha ki jaitbynriew baroh kiba kyntait ban leit.

SEKHARAÏAH 9:15

U Trai Badonbor Baroh un ïada ïa ki briew jong u, bad kin pynjot ïa ki nongshun jong ki. Kin pyrta ha ka thma kum ki rangbah ba la buaid bad kin pynmih ïa ka snam jong ki nongshun jong ki; kan tuid kum ka snam jong ka jingkñia ba la theh halor ka duwan na ka jingdiang.

MALAKHI 4:3

Ha ka sngi haba ngan leh ïa ka kam, phin jop thiaw ïa ki bymman, bad kin long kum u pui pui hapoh ki kjat jong phi.

JINGKHEIÑ 24:9

Kane ka jaitbynriew ka long kum u sing uba khlaiñ; Haba u thiah, ym don ba nud ban kyrsiew ïa u. Uta uba kyrkhu ïa ki Israel un ïoh jingkyrkhu, Bad uta uba tim ïa ki Israel un ïoh ka jingtim.”

MATHAÏOS 10:14

Bad lada kano kano ka ïing ne ka shnong kam pdiang sngewbha ïa phi lane pynshahshkor ïa phi, te mihnoh na kata ka jaka bad kynther noh ïa u pui pui na ki kjat jong phi.

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.