MIKAH 5:7 - Khasi CL Bible (BSI)

⁷ Ki paid Israel kiba lait im kin long kum ka umjer ba pynpyngngad ba la phah da U Trai na ka bynta ki jaitbynriew ba bun, kum ki um slap ha ki jingthung ba dang mih. Kin shaniah ha U Blei, ym ha u briew.

KA BAIBL

⁷ Bad kiba sah jong u Jakob kin long hapdeng bun ki kynja bynriew kum ka umjer kaba na U Trai, kum ki 'lap praw halor u phlang; ki bym ap khmih ïa u briew, lymne ap ïa ki khun shynrang ki briew.

MIKAH 5:7 ပူးပေါင်းရင်းမြစ်များ

2 SAMUEL 17:12

Ngin shem ïa u Dabid hangno hangno ha kaba u don, bad ngin tur ïaleh ïa u ha shuwa ba un tip kaei kaba jia. Ma u lane uno uno na ki rangbah jong u kin ym lait im.

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

SALM 133:3

Ka long kum ka umjer halor u Lum Hermon, kaba hap halor ki lum ka Seïon. Dei hangta ba U Trai u la kular ïa ka jingkyrkhu jong u — ka jingim ka bymkut shuh.

SALM 72:6

Ai ba u syiem un long kum u slap ha ki lyngkha, kum u 'lap praw uba hap halor ka khyndew.

PROBERB 19:12

Ka jingbitar u syiem ka long kum ka jingkyrhuh u sing, hynrei ka jingsngewbha jong u ka long kum u slap ba pdiang hun.

ISAÏAH 32:15

Hynrei sa shisien pat U Blei un phah ha ngi ïa U Mynsiem jong u. Ka jaka shrah kan sa kylla seisoh, bad ki lyngkha kin sa pynmih ki jingbam kyrhai.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 55:10

“Ka ktien jong nga ka long kum ka ïor bad u slap kiba wan hap na suiñbneng ban ai um ïa ka pyrthei. Ki pynlong ïa ki jingthung ban san bad pynmih ïa u symbai ban ïoh bet bad ka jingbam ban bam.

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

ESEKIEL 14:22

Lada don uba lait im bad uba pyllait im ïa ki khun jong u, to khmih sha ki haba ki wan sha phi. Peit haduh katno ki long kiba sniew, bad to sngewthikna ba ka jingpynshitom kaba nga wallam ha ka Jerusalem ka long kaba dei hok,

ESEKIEL 47:1

Uta u briew u la ïalam pat ïa nga sha ka jaka rung jong ka Templ. Ka um ka dang mih napoh jong ka jaka rung bad ka tuid shaphang mihngi, ka phang sha kaba ka Templ ka phai. Ka dang tuid sharum na ka khrum jong ka bynta ka Templ kaba shathie shaduh sha palat ïa ka bynta kaba shathie jong ka duwan.

ESEKIEL 5:5

U Trai Nongsynshar u la ong, “Khmih ïa ka Jerusalem. Nga buh ïa ka hapdeng ka pyrthei, bad kiwei pat ki ri sawdong jong ka.

DANIEL 11:32

Da ka buit shukor u syiem un ïoh ïa ka jingkyrshan jong kito kiba la iehnoh ïa la ka niam, hynrei kito kiba bud ïa U Blei kin ïaleh pyrshah.

HOSIA 14:5

Ngan long ïa ki paid Israel kum u slap ha ka dewryngkhiang. Kin phuh kum ki syntiew; kin suhthied skhem kum ki dieng ha Lebanon.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

MIKAH 2:12

“Hynrei ngan lumlang ïa phi, phi baroh ki paid Israel kiba dang sah. Ngan wallam lang ïa phi kum ki langbrot sha ka kynhun. Kum ka jaka bam phlang ba-dap da ki langbrot, ka ri jong phi kan dap biang sa shisien da ki paidbah babun.”

MIKAH 4:13

U Trai u ong, “Ko ki briew ka Jerusalem, to leit bad pynshitom ïa ki nongshun jong phi! Ngan pynlong ïa phi kiba khlaiñ kum u masi kyrtong uba don ki reng nar bad ki kjat rnong. Phin pynlwet ïa ki jaitbynriew ba bun, bad ïa ka spah kaba ki la ïoh da ka jingleh jubor phin ai sngewbha ïa nga, U Trai jong ka pyrthei baroh kawei.”

MIKAH 4:7

Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

MIKAH 5:3

Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEPHANAÏAH 3:13

Ki paid Israel kiba lait im kin ym leh kano kano ka bym dei ïano ïano, kin ym ïathuh lamler, lymne pyrshang ban shukor. Kin manbha bad shongshngain, kin ym sheptieng ïano ïano.”

SEKHARAÏAH 14:8

Haba kata ka sngi ka poi, ka um basngur kan tuid na Jerusalem, shiteng na ka sha ka Duriaw Baïap bad kawei pat ka shiteng sha ka duriaw Mediterranian. Kan tuid baroh shisnem, ha ka aïom ba-rkhiang bad ha ka aïom bajhieh.

SEKHARAÏAH 9:13

Ngan pyndonkam ïa ka Judah kum ka ryntieh jong u shipai bad ïa ka Israel kum ki khnam. Ngan pyndonkam ïa ki rangbah jong ka Seïon kum ka waitlam, ban ïaleh ïa ki rangbah jong ka Gris.”

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

KI KAM 11:15

Bad haba nga la sdang ban kren, U Mynsiem Bakhuid u la wan hiar halor jong ki kumba ka la long halor jong ngi ha kaba sdang.

KI KAM 13:46

Hynrei u Paul bad u Barnabas ki la nang kham kren shlur: “Ka long kaba donkam ba ïa ka ktien jong U Blei dei ban kren nyngkong ha phi. Hynrei namar ba phi kyntait ïa ka bad ba phim ñiew ïa lade kiba bit ïa ka jingim bymjukut, ngin iehnoh ïa phi bad leit sha ki Jentil.

KI KAM 16:9

Ha kata ka miet, u Paul u la ïoh ka jingïohipaw ha kaba u la ïohi ïa u nong Makedonia uba ïeng bad kyrpad ïa u, “Ale shane sha Makedonia bad ïarap ïa ngi!”

KI KAM 9:15

U Trai u la ong ha u, “Khie leit, namar ba nga la jied ïa u ban shakri ïa nga, ban pyntip ïa ka kyrteng jong nga ha ki Jentil bad ha ki syiem bad ha ki paid Israel.

Ka Shithi U Paul Sha Ki Nong Rom 10:20

Bad u Isaïah u la long uba kham shlur haba u ong, “Ïa nga la shem da kito ki bym shym la wad ïa nga; nga la paw ha kito ki bym shym la kylli ïa nga.”

Ka Shithi U Paul Sha Ki Nong Rom 11:12

Ka pop jong ki Jiw ka la wallam ki jingkyrkhu ba-dap kyrhai ha ka pyrthei, bad ka jingduk ba kynja mynsiem jong ki ka la wallam ki jingkyrkhu ba-dap kyrhai ïa ki Jentil. Te, haduh katno ki jingkyrkhu ba kham khraw kin long haba ïa baroh ki Jiw yn kynthup lang!

Ka Shithi U Paul Sha Ki Nong Rom 9:30

Te kumta ngi ong ba ki Jentil, ki bym shym la pyrshang ban ïasuk bad U Blei, la pynïasuk bad u lyngba ka jingngeit;

1 KORINTH 3:6

Nga bet ïa u symbai, u Apollos u la ai um ïa u jingthung, hynrei dei U Blei uba pynsan ïa u jingthung.

DEUTERONOMI 32:2

Ka jinghikai jong nga kan hap kum ki jingjaw slap, bad kan jreiñ ha khyndew kum ka umjer. Ki ktien jong nga kin hap kum u 'lap praw ha ki jingthung ba dang lung, kum u slap ñiup ñiup ha u phlang ba dang lung.

NONGBISHAR 6:36

Nangta u Gideon u ong ha U Blei, “Me ong ba me la kut jingmut ban pyndonkam ïa nga ban pyllait ïa ki Israel.