MIKAH 5:6 - Khasi CL Bible (BSI)

⁶ Da ka borbah jong ki tiar thma kin jop ïa ki Assyria, ka ri jong u Nimrod, bad kin pyllait im ïa ngi na ki Assyria haba ki hiarthma ïa ka ri jong ngi.

KA BAIBL

⁶ Te kin pynjot ïa ka ri Assyria da ka waitlam, bad ïa ka ri Nimrod ha ki khyrdop jong ka: bad un pyllait ïa ngi na ki nong Assyria, haba u wan ha ka ri jong ngi, bad haba u ïuh ha ki phang jong ngi.

MIKAH 5:6 ပူးပေါင်းရင်းမြစ်များ

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

1 KHRONIKL 1:10

(U Kush u don u khun uba kyrteng u Nimrod, uba la long u nongjop pyrthei bakhraw uba nyngkong eh:)

2 KHRONIKL 33:11

Kumta U Trai u shah ïa ki rangbah shipai jong ka kynhun shipai Assyria ban tur ïaleh ïa ka Judah. Ki la kem ïa u Manasseh, ki pyndait jingbnoh ha u, ki teh ki kynjri ïa u, bad ïalam ïa u sha Babilon.

Ka Kitab U Job 29:22

kim don ei ei shuh ban ai jingmut haba nga la dep kren. Ki ktien jong nga ki ngam kum ki jingjaw jong u slap;

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

SALM 72:6

Ai ba u syiem un long kum u slap ha ki lyngkha, kum u 'lap praw uba hap halor ka khyndew.

ISAÏAH 14:2

Bun ki jaitbynriew kin ïarap ïa ki paid Israel ban leit phai sha ka ri kaba U Trai u la ai ha ki, bad hangta ki jaitbynriew kin shakri ïa ki Israel kum ki mraw. Kito kiba shisien ki la kem ïa ki Israel mynta kin shah kem ha ki Israel, bad ki paid Israel kin synshar halor jong kito kiba shisien ki la banbeiñ ïa ki.

ISAÏAH 14:25

Ngan pynjot ïa ki nong Assyria ha ka ri Israel jong nga bad ngan kyrdem halor jong ki lumbah jong nga. Ngan pyllaitluid ïa ki briew jong nga na ka lyngkor jong ki nong Assyria bad na ki jingkit kiba ki don ban bah.

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ISAÏAH 37:37

Te u Sennakherib u patsha ka Assyria u iehnoh bad leit phai sha Ninebeh.

ISAÏAH 6:13

Wat lada uwei u briew na ki shiphew ngut u sah ha ka ri, ïa u ruh yn pynjot, un long kum u dyngkhong jong u dieng Sning uba la khet.” (U dyngkhong u ïeng na ka bynta ka jingsdang bathymmai ïa ki briew jong U Blei.)

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

NAHUM 2:11

Hangno mynta ka don ka nongbah kata kaba long kum ka krem jong ki sing, ka jaka ha kaba la bsa ïa ki sing samla, ha kaba u sing bad ka sing kin leit bad ki khun jong ki kin don ha ka jingshngain?

SEPHANAÏAH 2:13

U Trai un pyndonkam ïa ka bor jong u ban pynjot ïa ka Assyria. Un pynlong ïa ka nongbah Ninebeh ka jingjot ba la shah iehnoh, ka ri shyiap bym don um.

SEPHANAÏAH 3:12

Ngan ieh hangta ïa ki briew kiba sngewrit bad kiba duk, ki ban wan sha nga na ka bynta ka jingïarap.

LOUKAS 1:71

ba un pynim ïa ngi na ki nongshun jong ngi, na ka bor jong kito baroh kiba isih ïa ngi.

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

DEUTERONOMI 32:2

Ka jinghikai jong nga kan hap kum ki jingjaw slap, bad kan jreiñ ha khyndew kum ka umjer. Ki ktien jong nga kin hap kum u 'lap praw ha ki jingthung ba dang lung, kum u slap ñiup ñiup ha u phlang ba dang lung.