MIKAH 5:3 - Khasi CL Bible (BSI)

³ Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

KA BAIBL

³ Namar kata, un iehnoh ïa ki, haduh kata ka por ba kata kaba suhkhun kan kha khun: ynda kumta, kita kiba sah na ki para jong u kin phai pat sha ki khun Israel.

MIKAH 5:3 ပူးပေါင်းရင်းမြစ်များ

1 SYIEM 14:16

U Trai un iehnoh ïa ki Israel namar ba u Jeroboam u la leh pop bad u la ïalam ïa ki paid Israel ban leh pop.”

2 KHRONIKL 30:7

Wat long kum ki kpa tymmen jong phi bad ki para Israel jong phi kiba la lyndet ïa U Trai U Blei jong ki. Kumba phi ïohi, u la pynshitom tyngeh ïa ki.

SALM 67:3

Ai ba ki jaitbynriew kin ïaroh ïa me, A Blei; ai ba ki jaitbynriew baroh kin ïaroh ïa me!

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 31:1

U Trai u ong, “Ka por kan wan haba ngan long U Blei jong ki jait Israel baroh, bad kin long ki briew jong nga.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

HOSIA 2:14

Te ngan leit ïalam biang ïa ka sha ri shyiap; hangta ngan khroh biang ïa ka da ki ktien ieit.

HOSIA 2:9

Kumta ha ka aïom ot ngan shim noh ïa ki jingai sngewbha jong nga da u kew bad ka waiñ, bad ngan shim noh ruh ïa u 'saiwul bad ka jaiñ linen ba nga la ai ïa ka ban phong.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

MIKAH 4:4

Uwei pa uwei un shongsuk hapdeng ki bri sohwaiñ bad ki dieng Dumbur la ki jong hi, bad yn ym don mano mano ban pynsheptieng ïa u. U Trai Badonbor Baroh u la kular ïa kane.

MIKAH 4:7

Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

MIKAH 5:7

Ki paid Israel kiba lait im kin long kum ka umjer ba pynpyngngad ba la phah da U Trai na ka bynta ki jaitbynriew ba bun, kum ki um slap ha ki jingthung ba dang mih. Kin shaniah ha U Blei, ym ha u briew.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

MIKAH 6:14

Phin bam, hynrei phin ym sngewhun — ha ka jingshisha phin dang ïai thngan hi. Phin rah bak ïa kiei kiei, hynrei phin ym lah ban ri ïa ki; ïa kino kino kiba phi lah ban ri, ngan pynjot ïa ki ha ka thma.

MIKAH 7:13

Hynrei ka pyrthei kan long kum ka ri shyiap namar ka jingbymman jong kito kiba shong ha ka.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

MATHAÏOS 12:50

Uno uno uba leh ïa kaei kaba U Kpa jong nga uba ha bneng u kwah ïa u ban leh u long u para jong nga, ka para jong nga, bad ka kmie jong nga.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

Ka Shithi U Paul Sha Ki Nong Rom 8:29

Kito ïa kiba U Blei u la lah jied lypa u la pynkyrpang ruh ban long kum U Khun jong u, khnang ba U Khun un long uba nyngkong hapdeng ki para.