MIKAH 5:2 - Khasi CL Bible (BSI)

² U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

KA BAIBL

² Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

MIKAH 5:2 ပူးပေါင်းရင်းမြစ်များ

JENESIS 35:16

U Jakob bad la ka longïing longsem ki la ïamihnoh na Bethel, bad haba ki la jan poi ha Ephrath, ka por ka la poi ba ka Rakhel kan kha khun, bad ka la don ha ka jingsuh kha kaba shitom.

JENESIS 35:19

Haba ka Rakhel ka la ïap, la tep ïa ka harud ka lynti kaba leit sha Ephrath, ïa kaba la tip mynta kum ka Bethlehem.

JENESIS 48:7

Dei na ka bynta ka Rakhel ka kmie jong me ba nga leh ïa kane. Nga sngewsih eh ba ka la ïap noh ha ri Kanaan, hajan Ephrath, katba ngi dang ïawan phai na Mesopotamia. Nga la tep ïa ka hangta harud ka lynti kaba leit sha Ephrath.” (Ïa ka Ephrath la tip mynta kum ka Bethlehem.)

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

1 KHRONIKL 2:54

U Salma, u nongseng ïa ka Bethlehem, u dei u kpa tymmen jong ki jaitbynriew ka Netophath, ka Atroth Beth Joab, bad ki Sor, kiba long kawei na ki ar kur ha Manahath.

1 KHRONIKL 5:2

Ka dei ka jait Judah, pynban, kaba la long kaba khlaiñ tam bad kaba pynmih u nongsynshar ïa ki jait baroh.)

SALM 132:6

Ha Bethlehem ngi la ïohsngew shaphang ka Synduk ka Jutang, bad ngi la shem ïa ka ha ki madan ka Jearim.

SALM 90:2

Shuwa ba men pynlong ïa ki lum, lane pynwan ïa ka pyrthei kumba ka long, naduh bymjukut haduh bymjukut me, me long U Blei, bad men ïailong U Blei junom.

EKSODOS 18:21

Hynrei nalor kata, phi dei ban jied katto katne ngut ki rangbah kiba tbit, bad thung ïa ki kum ki nongïalam jong u paidbah: ki nongïalam ïa ki hajar, ïa ki spah, ïa ki sanphew, bad ïa ki phew. Ki dei ban long ki briew kiba sheptieng ïa U Blei, kiba lah ban shaniah, bad kiba ym lah ban pynbam sap.

EKSODOS 18:25

bad u la jied ïa ki rangbah kiba tbit napdeng ki Israel baroh. U la thung ïa ki kum ki nongïalam ïa ki hajar, ki spah, ki sanphew, bad ki phew.

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 53:2

Ka dei ka mon jong U Trai ba u shakri jong u un san kum u jingthung uba ksam ïa ki thied ha ka khyndew kaba tyrkhong. Um don main ne jingitynnat ban pynlong ïa ngi ban peit ïa u. Ym don kano kano kaba ngin ibha ïa u, ym don kano kano ka ban khring ïa ngi sha u.

ISAÏAH 55:4

Nga la pynlong ïa u, u nongïalam bad u nongai hukum ïa ki jaitbynriew; bad lyngba jong u nga la pyn-i ha ki ïa ka bor jong nga.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

JEREMAÏAH 30:21

U nongsynshar jong ki un wan na ka jaitbynriew jong ki hi, u khun syiem jong ki napdeng ki briew jong ki hi. Un wan sha nga haba nga khot sngewbha ïa u, namar uei uba nud ban wan khlem shah khot sngewbha? Kin long ki briew jong nga, bad ngan long U Blei jong ki. Ma nga, U Trai, nga la kren.”

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

MIKAH 4:10

To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 2:1

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

MATHAÏOS 2:6

“ ‘Ko Bethlehem ha ka ri Judah, pham long kaba rit tam hapdeng ki nongbah kiba paw jong ka Judah; namar na pha un mih u nongïalam u ban kdew lynti ïa ki briew jong nga ki Israel.’ ”

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

LOUKAS 23:2

“Ngi la kem ïa une u briew uba ïalam bakla ïa ki briew jong ngi, da kaba ong ïa ki ban ym siew khajna sha u Patsha bad u kam ba ma u hi u long U Messaïah, u syiem.”

LOUKAS 23:38

Shalor jong u la thoh ïa kine ki kyntien: “Une u long U Syiem ki Jiw.”

ÏOANNIS 7:42

Ka Jingthoh Bakhuid ka ong ba U Messaïah un long uba hiarpateng na u Syiem Dabid bad yn kha ïa u ha Bethlehem, ka shnong ha kaba u Dabid u la im.”

DEUTERONOMI 1:15

Kumta nga la shim ïa kita ki nongïalam kiba stad bad kiba khraw jingmut ïa kiba phi hi phi la jied na ki jait jong phi, bad nga la buh ïa ki ban peit halor ïa phi. Don na ki, kiba peit ïa ki shihajar ngut, don kiba peit ïa ki shispah ngut, don kiba peit ïa ki sanphew ngut, bad don ruh kiba peit ïa ki shiphew ngut. Nalor kitei, nga la thung ruh ïa kiwei pat ki rangbah synshar hapdeng jong phi.

KOLOSSAI 1:17

U Khrist u la don shuwa ïa kiei kiei baroh, bad ha u kiei kiei baroh ki ïoh ïa la ka jaka kaba dei.

HEBRU 13:8

U Jisu Khrist u long ujuh mynhynnin, mynta bad sha ki bymjukut.

HEBRU 7:14

Ka long kaba la tip bha ba ïa u la kha kum u dkhot jong ka jait Judah; bad u Moses um shym kdew ïa kane ka jait haba u la kren shaphang ki lyngdoh.

1 ÏOANNIS 1:1

Ngi thoh sha phi shaphang U Ktien ka jingim, uba la don naduh kaba mynnyngkong eh. Ngi la ïohsngew ïa u, bad ngi la ïohi ïa u da la ki khmat; ho-oid, ngi la ïohi ïa u, bad ki kti jong ngi ki la ïohktah ïa u.

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

NONGBISHAR 17:7

Ha kata kajuh ka por la don uwei u samla Lebi uba ju sah ha nongrit Bethlehem kaba ha Judah.

RUTH 1:1

Slem bah mynshuwa, ha ki sngi shuwa ba ki Israel kin ïoh syiem, la don ka 'nemsniew ha ka ri. Kumta u briew uba kyrteng u Elimelekh, uba na ka kur Ephrath bad uba shong ha Bethlehem kaba ha Judah, u leit bad ka Naomi ka tnga jong u lem bad ki ar ngut ki khun shynrang jong ki, u Mahlon bad u Khilion, ban sah shipor ha ka ri Moab. Katba ki dang sah hangta,

RUTH 4:11

Ki nongïalam bad kita kiwei ki ong, “Ho-oid, ngi long ki sakhi. To U Trai un pynlong ïa ka tnga jong phi kum ka Rakhel bad ka Leah, kiba la kha bun ngut ki khun ïa u Jakob. To phin long uba riewspah ha ka kur Ephrath bad uba pawnam ha Bethlehem.

1 SAMUEL 10:19

Nga long U Blei jong phi, uta uba pyllait ïa phi na ki jingjynjar bad ki jingshitom jong phi baroh hynrei mynta phi la kyntait ïa nga bad phi la pan na nga ban ai ïa phi da u syiem. Namar kata, ïalumlang ïa lade ha khmat U Trai, shi jait shi jait, bad shi kur shi kur.’ ”

1 SAMUEL 17:12

U Dabid u dei u khun jong u Jesse, uba dei u nong Ephrath na Bethlehem kaba ha Judah. U Jesse u don phra ngut ki khun shynrang, bad ha ka por ba u Saul u long syiem, u la tymmen bha.

1 SAMUEL 17:18

Bad shim kine ki ktung dud shiphew tylli sha u nongïalam rangbah. Wad jingtip kumno ki hynmen jong phi ki long bad wanrah dak ei ei ban pyn-i ba phi la ïohi ïa ki bad ba ki koit ki khiah.

1 SAMUEL 23:23

Wad bha ïa ki jaka ha kiba u rieh, bad da kynmaw ban wanrah khubor beit beit sha nga. Te ngan sa leit bad phi; bad lada u dang don ha kata ka thain, ngan kthong ïa u, wat la nga hap ban wad ha ka ri Judah baroh kawei.”

1 SAMUEL 8:12

Katto katne ngut na ki un thung kum ki rangbah synshar ki ban peit ïa ki shihajar ngut ki rangbah bad katto katne ngut ki ban peit ïa ki sanphew ngut ki rangbah: ki khun shynrang jong phi kin hap ban lur ïa ki lyngkha jong u, ban lum ïa ki jingmih jong u na ka khyndew, bad ban shna ïa ki tiar thma bad ki tiar kali ïapom jong u.