MIKAH 5:13 - Khasi CL Bible (BSI)

¹³ Ngan pynjot ïa ki bleithaw bad ki rishot maw bakyntang jong phi; phin ym mane shuh ïa kiei kiei kiba phi hi phi la thaw.

KA BAIBL

¹³ bad ngan pynduh noh ïa ki durblei jong me, bad ïa ki rishot blei jong me napdeng jong me; bad men ym mane blei shuh ïa ka jingtrei ki kti jong me.

MIKAH 5:13 ပူးပေါင်းရင်းမြစ်များ

ISAÏAH 2:8

Ka ri jong ki ka dap da ki bleithaw, bad ki mane ïa kita kiba ki la shna da ki kti jong ki hi.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

ESEKIEL 16:41

Kin thang duh ïa ki ïing jong pha bad shah ïa ki paid kynthei ban ïohi ïa ka jingshah pynshitom jong pha. Ngan pynlong ïa pha ban sangeh ban long ka nuti bad pynlong ïa pha ban sangeh ban ai ki jingai sngewbha ïa ki nongleh-ieit jong pha.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 37:23

Kin ym pyntngit shuh ïa lade da ki bleithaw kiba ijli lane pynjot ïa lade da ka pop. Ngan pyllait ïa ki na ki lynti jong ka jingleh pop bad ka jingshetkylla ïa nga. Ngan pynkhuid ïa ki, kin long ki briew jong nga, bad ngan long U Blei jong ki.

ESEKIEL 6:9

Hangta kin sa kynmaw ïa nga bad tip ba nga la pynshitom ïa ki bad pynlehrain ïa ki, namar ki dohnud bymngeit jong ki, ki la kylla dien na nga bad ki la jied ïa ki bleithaw ban ïa nga. Bad kin sa isih hi ïa lade namar ki kam ba-bymman bad bajahburom ba ki la leh.

HOSIA 10:2

Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

HOSIA 14:3

Ka Assyria kan ym lah da lei lei ban pyllait im ïa ngi, bad ki kulai thma kim lah ban ïada ïa ngi. Ngin ym ong shuh ha ki bleithaw jong ngi ba ki long U Blei jong ngi. A Trai, me pyn-i jingisynei ha kito ki bym don uno uno sha uba ki lah ban phai.”

HOSIA 14:8

Ki paid Israel kim don bynta ei ei shuh bad ki bleithaw; ngan jubab ïa ki jingduwai jong ki bad sumar ïa ki; kum u dieng ba ïai jyrngam ngan kah tngen ïa ki; nga long u tynrai jong ki jingkyrkhu jong ki baroh.”

NAHUM 1:14

Kane ka long kaei kaba U Trai u la rai shaphang ki nong Assyria: “Kin ym don kino kino kiba hiarpateng ki ban bah ïa ka kyrteng jong ki. Ngan pynjot ïa ki bleithaw kiba don hapoh ka templ jong ki blei jong ki. Nga pynkhreh ka jingtep ïa ki nong Assyria — kim don hok ban im!”

SEPHANAÏAH 1:4

“Ngan pynshitom ïa ki briew jong ka Jerusalem bad ka Judah baroh. Ngan pynjot ïa ka dien bakhatduh ka jingmane ïa u Baal hangta, bad ym don mano mano ban kynmaw wat ïa ki lyngdoh blei nongwei kiba shakri ïa u.

SEKHARAÏAH 13:2

Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.

NONGBISHAR 18:17

ki san ngut ki nongsyntiat ki rung beit shapoh ïing bad ki shim ïa kata ka bleithaw ba la suit da ka rupa, kiwei pat ruh ki bleithaw, bad ïa ka ephod, katba u lyngdoh u dang ïeng ha ka khyrdop bad ki hynriewspah ngut ki rangbah kiba la kieng atiar.