MIKAH 5:12 - Khasi CL Bible (BSI)

¹² Ngan pynjot ïa ki jingleh myntor kiba phi pyndonkam bad ngan iehnoh ïa phi khlem ki nongkren byrtong.

KA BAIBL

¹² bad ngan pynduh noh ïa ki jingaiksuid na ka kti jong me; bad men ym ïoh shuh ïa ki nongkren byrtong:

MIKAH 5:12 ပူးပေါင်းရင်းမြစ်များ

ISAÏAH 2:20

Haba kata ka sngi ka wan, kin bret sharud ïa ki bleithaw ksiar bad rupa ba ki la thaw, bad kin iehnoh ïa ki ha ki khnai tynjit bad ha ki lymbit.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

ISAÏAH 44:17

Ka dieng kaba sah u shna ïa ka bleithaw, bad nangta u dem bad mane ïa ka. U duwai ha ka bad u ong, “Phi long U Blei jong nga — to pynim ïa nga!”

ESEKIEL 16:41

Kin thang duh ïa ki ïing jong pha bad shah ïa ki paid kynthei ban ïohi ïa ka jingshah pynshitom jong pha. Ngan pynlong ïa pha ban sangeh ban long ka nuti bad pynlong ïa pha ban sangeh ban ai ki jingai sngewbha ïa ki nongleh-ieit jong pha.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

SEKHARAÏAH 13:1

“Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

DEUTERONOMI 18:14

Kumta U Moses u ong, “Ha kata ka ri kaba phin ïohkynti, ki briew ki shahshkor ïa kito kiba shat kiba kheiñ bad kiba wad ïa ki dak ki shin, hynrei U Trai U Blei jong phi u khang ïa phi ban leh kumta.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.