MIKAH 5:11 - Khasi CL Bible (BSI)

¹¹ Ngan pynjot ïa ki nongbah ha ka ri jong phi bad pynpra ïa ki jingïada jong phi baroh.

KA BAIBL

¹¹ bad ngan pynduh noh ïa ki nongbah ka ri jong me, bad ngan pynkyllon ïa ki kut baskhem jong me:

MIKAH 5:11 ပူးပေါင်းရင်းမြစ်များ

ISAÏAH 1:7

Ïa ka ri jong phi la pynjot thiaw, ïa ki nongbah la thang duh da ka ding. Katba phi dang khmih, ki nongwei ki kurup ïa ka ri jong phi bad ki pynpra ïa kiei kiei baroh.

ISAÏAH 2:6

A Blei me la iehnoh ïa ki briew jong me, ki khun ki ksiew jong u Jakob! Ka ri ka dap da ki jingleh myntor na ka ri Mihngi bad na ka Philistia. Ki briew ki bud ïa ki dustur nongwei.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

SNGEWSYNEI 2:2

U Trai u la pynjot khlem ka jingisynei ïa kawei pa kawei ka nongrit ha Judah bad u la kad pynpra ïa ki kut kiba ïada ïa ka ri. U la wallam ka jingjahburom ha ka hima bad ki nongsynshar jong ka.

ESEKIEL 38:11

Men sa rai ban leit hiarthma ïa ka ri ka bym don jingïarap ha kaba ki briew ki ïashongsuk shongshngain ha ki shnong kiba khlem ker kynroh bad ki bym don jingker.

HOSIA 10:14

ka thma kan sa wan ha ki briew jong phi, bad ïa ki kut jong phi baroh yn pynjot. Kan long kum ka sngi ha kaba u syiem Shalman u la pynjot ïa ka nongbah Betharbel ha ka thma, ha kaba ïa ki kmie bad ki khun jong ki la pynlwet haduh ban da ïap.

AMOS 5:9

U wallam jingjot ha kiba khlaiñ bad ïa ki Kut baskhem jong ki.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.