MIKAH 5:1 - Khasi CL Bible (BSI)

¹ Ko ki briew ka Jerusalem, lumlang ïa la u paid! Ngi lah shah kerkut! Ki ïatur ïaleh ïa u nongïalam ki Israel!

KA BAIBL

¹ Mynta to ïalum paid ïa lade, ko ka khun ki paid: u la ap thap pyrshah ïa ngi: kin shoh ïa u nongbishar ki Israel da u diengduh ha ka ngab.

MIKAH 5:1 ပူးပေါင်းရင်းမြစ်များ

JENESIS 35:19

Haba ka Rakhel ka la ïap, la tep ïa ka harud ka lynti kaba leit sha Ephrath, ïa kaba la tip mynta kum ka Bethlehem.

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

1 SYIEM 22:24

Nangta u Sedekaïah u nongïathuhlypa u leit kiew sha u Mikaïah, u thab ïa u na ka ngab jong u, bad kylli, “Naduh mynno u mynsiem jong U Trai u iehnoh ïa nga bad u kren ha me?”

2 SYIEM 24:2

U Trai u phah ïa ki kynhun kieng atiar jong ka Babilonia, ka Syria, ka Moab, bad ka Ammon pyrshah ïa u Jehoïakim ban pynjot ïa ka Judah, kumba U Trai u la ong lyngba ki nongïathuhlypa ki shakri jong u ba un leh.

Ka Kitab U Job 16:10

Ki briew ki ñiewbeiñ ïa nga; ki ïalum sawdong ïa nga bad ki thap ïa nga.

PROBERB 8:23

Ïa nga la thaw ha kaba sdang eh, ha kaba nyngkong, shuwa ba ka pyrthei kan sdang.

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

ISAÏAH 8:9

To ïalumlang ha ka jingsheptieng, phi ki jaitbynriew! To shahshkor, phi ki bynta ba sha jngai jong ka pyrthei. Pynkhreh ban ïaleh, hynrei to sheptieng! Ho-oid to pynkhreh, hynrei to sheptieng!

ISAÏAH 9:5

Ïa ki juti jong ka kynhun shipai kaba hiarthma bad ïa ki jaiñ baroh kiba khah snam yn pynjot thiaw da ka ding.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

SNGEWSYNEI 3:30

La ngi la shah tied bad shah ibeiñ, ngi dei ban pdiang ïa ka baroh.

ESEKIEL 21:32

Yn pynjot ïa phi da ka ding. Ïa ka snam jong phi yn pynmih ha la ka ri, bad yn ym don ba kynmaw shuh ïa phi.’ ” U Trai u la kren.

ESEKIEL 24:2

“Ko khun u briew,” u la ong, “to thoh ïa ka tarik mynta ka sngi, namar kane ka long ka sngi kaba u syiem ka Babilonia u sdang ïa ka jingkerkut ïa ka Jerusalem.

DANIEL 9:25

Kynmaw ïa kane bad to shemphang ïa ka: Naduh ka por ba la ai ïa ka hukum ban tei pat ïa ka Jerusalem, tad haduh ba wan u nongïalam ba la jied da U Blei, ki hynñiew sien ki hynñiew snem kin leit noh. Ïa ka Jerusalem yn tei pat lem bad ki lynti bah bad ki jingïada bakhlaiñ, bad kan ïeng haduh hynñiew sien ki hynriewphew ar snem, hynrei kane kan long ka por ki jingjynjar.

JOEL 3:9

“Pynlong ïa kane ka jingpynbna hapdeng ki jaitbynriew: ‘To Pynkhreh na ka bynta ka thma; khot ïa ki nongïaleh thma; ïalumlang ïa ki shipai bad tur shaphrang!

AMOS 2:3

Ngan pynïap ïa u nongsynshar ka Moab bad ïa ki nongïalam baroh jong ka ri.”

HABAKKUK 1:6

Ngan wanrah ïa ki nong Babilonia ban don ha ka bor, kito kiba triem, ki briew bym lah ban shong khop. Ki leit kylleng ka pyrthei ban jop ïa kiwei ki ri.

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

MATHAÏOS 26:67

Nangta ki la bynthiew ha ka khmat jong u bad ki la shoh ïa u; bad kito kiba la thab ïa u

MATHAÏOS 27:30

Ki la bynthiew ïa u, bad ki la shim ïa u dieng bad ki la tied ïa U ha ka khlieh.

MATHAÏOS 5:39

Hynrei mynta nga ong ha phi: wat pynhiarkput ïa uno uno uba leh sniew ïa phi. Lada uno uno u thab ïa phi na ka ngab kamon, ai ba un thab ïa ka ngab kadiang jong phi ruh.

ÏOANNIS 18:22

Haba U Jisu u la ong ïa kane, uwei na ki nongap phira hangta u la thab ïa u bad u la ong, “Kumno me nud ban kren kum kata ïa u Rangbah Lyngdoh?”

ÏOANNIS 19:3

“Im slem ko Syiem ki Jiw!” Bad ki la leit bad thab ïa u.

KI KAM 23:2

U Ananias, u Rangbah Lyngdoh, u la hukum ïa kita kiba ïeng hajan jong u Paul ban thab ïa u na ka shyntur.

2 KORINTH 11:20

Phi ïaishah ïa uno uno uba hukum ïa phi lane uba shim kabu ïa phi lane uba riam pah lane uba peit poh ïa phi lane uba thab ïa phi ha ka ngab.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.

DEUTERONOMI 33:27

U Blei u ïailong ka jingïada jong phi; Ki ksang'ti uba na bymjukut ki kyrshan ïa phi. U beh ïa ki nongshun jong phi katba phi nang ïaid sha khmat, Bad u ong ïa phi ban pynjot thiaw ïa ki baroh.

NONGBISHAR 17:7

Ha kata kajuh ka por la don uwei u samla Lebi uba ju sah ha nongrit Bethlehem kaba ha Judah.