MIKAH 4:4 - Khasi CL Bible (BSI)

⁴ Uwei pa uwei un shongsuk hapdeng ki bri sohwaiñ bad ki dieng Dumbur la ki jong hi, bad yn ym don mano mano ban pynsheptieng ïa u. U Trai Badonbor Baroh u la kular ïa kane.

KA BAIBL

⁴ Hynrei, kin ïashong uwei uwei baroh hapoh la u dieng Waiñ bad hapoh la u dieng Dumbur; te ym don u ban pynsheptieng ïa ki: naba ka shyntur U Trai ki paid ka la kren ïa kata.

MIKAH 4:4 ပူးပေါင်းရင်းမြစ်များ

1 SYIEM 4:25

Katba u dang im, ki briew ha kylleng ka Judah bad Israel, ki im ha ka jingshngain, kawei kawei ka longïing ka don la ki dieng sohwaiñ bad ki dieng Dumbur.

1 SYIEM 5:5

U Trai u la kular ïa u Dabid, u kpa jong nga, ‘U khun jong me, uba ngan pynlong syiem hadien jong me, un tei ka Templ ïa nga.’ Bad mynta nga la kut jingmut ban tei ka templ na ka bynta ka jingmane ïa U Trai U Blei jong nga.

Ka Kitab U Job 11:19

Men ym sheptieng ïa ki nongshun jong me; kiba bun ki briew kin kyrpad jingïarap na me.

SALM 72:3

Ai ba ka ri kan lehkmen ha ka jingroi kyrhai; ai kan mad ïa ka hok.

PROBERB 3:25

Phin ym donkam ban khuslai ïa ka jingpynjot kaba wan kynsan, kum kaba wan ha ki riewbymman kum ka 'erïong.

ISAÏAH 1:20

Hynrei lada pha leh pyrshah ïa nga, pha long kaba la shah tim ban ïap. Ma nga, U Trai, nga la kren.”

ISAÏAH 17:2

Ïa ki nongbah jong ka Syria yn sa iehnoh junom. Kin long ka jaka pynbamphlang ïa ki langbrot bad ki masi, bad ym don mano mano ba beh noh ïa ki.

ISAÏAH 22:25

Haba kata ka jia, u snar uba la pynskhem un sa kylluid bad hap. Bad kata kan long ka jingkut jong kiei kiei baroh kiba la sdien ha u.” U Trai u la kren.

ISAÏAH 26:16

Me pynshitom ïa la ki briew, A Trai bad ha ka jinglyng-a ki duwai ha me.

ISAÏAH 32:17

Namar ba uwei pa uwei un leh ïa kaei kaba dei, kan don ka jingsuk bad ka jingshongshngain junom.

ISAÏAH 36:16

A wat sngap ïa u Hesekaïah! U patsha ka Assyria u hukum ïa phi ban mihnoh na ka nongbah bad ban pyndem. Ïa phi baroh yn shah ban bam ïa ki sohwaiñ na la ki dieng sohwaiñ bad ki soh Dumbur na ki jong ki dieng jong ki, bad ban dih um na ki pukri jong phi —

ISAÏAH 40:5

Te ïa ka burom jong U Trai yn sa pynpaw, bad baroh ki briew kin ïohi ïa ka. U Trai da lade u la kular ïa kane.”

ISAÏAH 54:14

Ka jingbishar hok bad ka hok tynrai kin pynkhlaiñ ïa pha. Phan lait na ka jingshah banbeiñ bad ka jingtriem.

ISAÏAH 58:14

te phin shem ka jingkmen kaba wan na kaba shakri ïa nga. Ngan pynlong ïa phi ban ïoh burom ha kylleng ka pyrthei. Bad phin lehkmen ha ka ri ïa kaba nga la ai ha u kpa tymmen jong phi, u Jakob. Ma nga, U Trai, nga la kren.”

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

ESEKIEL 34:25

Ngan pynlong ka jutang bad ki kaba pynskhem ïa ka jingshongshngain jong ki. Ngan beh noh ïa ki mrad kynsha baroh na ka ri, khnang ba ki langbrot jong nga kin im ha ka jingshngain ha ki jaka phlang bad thiah ha ki khlaw.

ESEKIEL 34:28

Ki jaitbynriew ba-thala kin ym lute shuh ïa ki, bad ki mradkhlaw kin ym pynïap bad bam duh ïa ki. Kin im ha ka jingshngain, bad yn ym don ba pynsheptieng ïa ki.

ESEKIEL 38:11

Men sa rai ban leit hiarthma ïa ka ri ka bym don jingïarap ha kaba ki briew ki ïashongsuk shongshngain ha ki shnong kiba khlem ker kynroh bad ki bym don jingker.

ESEKIEL 39:26

Haba sa shisien pat kin im ha ka jingshngain ha ka ri jong ki hi, ha kaba ym don shuh ba byrngem ïa ki, kin sa klet noh kumno ba ki shah pynjahburom naba ki la shetkylla ïa nga.

LEBITIKOS 26:6

“Ngan ai ïa ka jingsuk ha ka ri jong phi, bad phin thiah phin dem khlem tieng ïano ïano. Ngan ym shah ban don ki mradkhlaw kiba runar ha kata ka ri, bad ka thma kan ym don shuh hangta.

MIKAH 5:3

Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

SEPHANAÏAH 3:13

Ki paid Israel kiba lait im kin ym leh kano kano ka bym dei ïano ïano, kin ym ïathuh lamler, lymne pyrshang ban shukor. Kin manbha bad shongshngain, kin ym sheptieng ïano ïano.”

SEKHARAÏAH 3:10

Haba kata ka sngi ka wan, uwei uwei na phi un khot sngewbha ïa la u paramarjan ban wan bad ban lehkmen ïa ka jingsuk bad ka jingshngain, ba la ker sawdong da ki bri sohwaiñ bad ki diengsoh Dumbur.”