MIKAH 4:12 - Khasi CL Bible (BSI)

¹² Hynrei kine ki jaitbynriew kim tip ïa kaei kaba U Trai u don ha ka jingmut jong u. Kim sngewthuh ba la lumlang ïa ki ban shah pynshitom ha kajuh ka rukom ba wanrah ïa u kew ban shoh.

KA BAIBL

¹² Hynrei, kim tip ïa ki jingmut U Trai, lymne kim sngewthuh ïa ka jingpyrkhat jong u: naba u la lum ïa ki kum ki song sha ka kyntem.

MIKAH 4:12 ပူးပေါင်းရင်းမြစ်များ

SALM 147:19

U ai ïa ka khubor jong u sha ki briew jong u, ki jingbthah bad ki aiñ jong u ïa ki Israel.

SALM 147:20

Um shym la leh ïa kane ha kiwei pat ki jaitbynriew; kim tip ïa ki aiñ jong u. To ïaroh ïa U Trai!

ISAÏAH 10:7

Hynrei u patsha jong ka Assyria u don ha ka jingmut ïa ki jingthmu jong u ban leh jubor. U la kut jingmut ban pynjot thiaw ïa shibun ki jaitbynriew.

ISAÏAH 21:10

Ko paid Israel jong nga, phi la shah shoh kumba shoh kew, hynrei mynta nga la pynbna ha phi ïa ka khubor babha ba nga la ïohsngew na U Trai Badonbor Baroh, U Blei jong ki Israel.

ISAÏAH 29:7

te baroh ki kynhun shipai jong ki hima kiba tur ïaleh ïa ka nongbah jong ka duwan U Blei, baroh ki tiar ïaleh jong ki bad ki tiar ki tar — baroh kiei kiei — kin jah noh kum ka jingphohsniew, kum kaei kaei ba la shu mutdur mynmiet.

ISAÏAH 55:8

“Ki jingmut jong nga,” ong U Trai, “kim long kum ki jong phi, bad ki lynti jong nga ki ïapher na ki jong phi.

JEREMAÏAH 29:11

Tang ma nga hi nga tip ïa ki jingthmu kiba nga don na ka bynta jong phi, ki jingthmu ban wallam ha phi ka jingmanbha bad ym ka jingpynjot, ki jingthmu ban wallam ïa ka lawei kaba phi ap kyrmen.

JEREMAÏAH 51:20

U Trai u ong, “Ko Babilonia, pha long u tyrnem jong nga, ka atiar jong nga ha ka thma. Nga la pyndonkam ïa pha ban ïuhroit ïa ki jaitbynriew bad ïa ki hima,

JEREMAÏAH 51:33

Shen u nongshun un ot ïa ki bad un ïuhroit ïa ki kum u kew ha ka jaka tylliat kew. Ma nga, U Trai Badonbor Baroh, U Blei jong ki Israel, nga la kren.”

JOEL 3:2

Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

LOUKAS 3:17

U don bad u ka byrsha pynher stait, ban shoh ïa u kew baroh bad ban lumlang ïa u kew shapoh ka thiar jong u; hynrei un thang ïa u stait ha ka ding ka bym ju lip.”