MIKAH 4:11 - Khasi CL Bible (BSI)

¹¹ Ki jaitbynriew kiba bun ki la ïalumlang ban tur ïaleh ïa phi. Ki ong, “Ïa ka Jerusalem dei ban pynjot! Ngin ïohi ïa kane ka nongbah ha ki jingjot!”

KA BAIBL

¹¹ Te mynta ruh, bun ki jaid bynriew ki la ïalang pyrshah ïa pha, kiba ong, “Ai ba yn pyntngit ïa ka, bad ai ba ki khmat jong ngi kin khmih beiñ ïa ka Seïon.”

MIKAH 4:11 ပူးပေါင်းရင်းမြစ်များ

SALM 129:5

Ai ba baroh kiba isih ïa ka Seïon kin shahjop bad shah beh noh.

SALM 83:5

Ki ïamynjur halor ka jingthmu jong ki; bad ki pynlong ka jingïateh lok pyrshah ïa me.

ISAÏAH 10:7

Hynrei u patsha jong ka Assyria u don ha ka jingmut ïa ki jingthmu jong u ban leh jubor. U la kut jingmut ban pynjot thiaw ïa shibun ki jaitbynriew.

ISAÏAH 17:12

Ki hima kiba khlaiñbor ki don ha ka jingkhynwin ha ka jingsawa kum ka jingkyrhuh jong ka duriaw, kum ka jingphaloh jong ki jingat phyllung kiba khraw.

ISAÏAH 29:7

te baroh ki kynhun shipai jong ki hima kiba tur ïaleh ïa ka nongbah jong ka duwan U Blei, baroh ki tiar ïaleh jong ki bad ki tiar ki tar — baroh kiei kiei — kin jah noh kum ka jingphohsniew, kum kaei kaei ba la shu mutdur mynmiet.

JEREMAÏAH 52:4

bad kumta u Nebukhadnessar u wan lem bad ka kynhun shipai jong u baroh bad u tur ïaleh ïa ka Jerusalem ha ka sngi kaba shiphew jong u bnai uba shiphew ha ka snem kaba khyndai jong ka jingsynshar u Sedekaïah.

ESEKIEL 26:3

“Mynta te, kane ka long kaei kaba ma nga, U Trai Nongsynshar, nga ong: Nga long u nongshun jong pha, ko nongbah Tyros. Ngan wallam ïa kiba bun ki jaitbynriew ban tur ïaleh ïa pha, bad kin wan kum ki jingat phyllung jong ka duriaw.

ESEKIEL 38:17

Dei ma me uta uba nga kren la slem bah, haba nga pynbna lyngba ki shakri jong nga, ki nongïathuhlypa ka Israel, ba ha ki sngi ki ban wan ngan sa wallam ïa uno uno ban tur ïaleh ïa ki Israel.” U Trai Nongsynshar u la kren.

OBADAÏAH 1:12

Pha la dei ban ym risa beiñ halor ka jingshem jynjar jong ki hynmen ki para jong pha ha Judah. Pha la dei ban ym lehkmen ha ka sngi ka jingpynjot ïa ki. Pha la dei ban ym rkhie ïa ki ha ka jingjynjar jong ki.

MIKAH 7:10

Te ki nongshun jong ngi kin ïohi ïa kane bad kin shah pynjahburom — kijuh ki nongshun kiba la pynthut ïa ngi da kaba kylli, “Hangno U Trai U Blei jong phi u don?” Ngin ïohi ba ki la shahjop, shah ïuh kum ka ktieh ha ki lynti bah.

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.