MIKAH 4:10 - Khasi CL Bible (BSI)

¹⁰ To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

KA BAIBL

¹⁰ To nang suh, bad to kyan ban kha, ko khun ka Seïon, kum ka kynthei kaba kha khun: naba mynta phan mih noh na kane ka nongbah, bad phan shong ha madan, bad phan poi jin haduh Babilon; hangta keiñ, yn pynim ïa pha; hangta keiñ U Trai un siewspah ïa pha na ka kti ki nongshun jong pha.

MIKAH 4:10 ပူးပေါင်းရင်းမြစ်များ

2 SYIEM 20:18

Katto katne na kiba hiarpateng na me hi kin shah ïalam noh bad kin long ki ïunukh ban shakri ha ka ïingsyiem jong u syiem ka Babilonia.”

2 SYIEM 25:4

Wat la ki nong Babilonia ki la kerkut ïa ka nongbah, baroh ki shipai ki la lait phet ha ka por mynmiet. Ki la mih na ka lynti ka kper syiem, ki la ïaid lyngba ïa ka khyrdop kaba pynïasoh ïa ki ar tylli ki kynroh, bad ki la phet ha ka phang jong ka Them Jordan.

2 KHRONIKL 33:11

Kumta U Trai u shah ïa ki rangbah shipai jong ka kynhun shipai Assyria ban tur ïaleh ïa ka Judah. Ki la kem ïa u Manasseh, ki pyndait jingbnoh ha u, ki teh ki kynjri ïa u, bad ïalam ïa u sha Babilon.

2 KHRONIKL 36:20

U ïalam ïa baroh kiba dang lait im sha Babilonia, ha kaba ki shakri ïa u bad ïa kiba hiarpateng na u, kum ki mraw haduh ka por ka jingkhie rasong ka Hima Persia.

2 KHRONIKL 36:23

“Kane ka dei ka hukum jong u Syros, u Patsha ka ri Persia. U Trai, U Blei ka Bneng, u la pynlong ïa nga u nongsynshar halor ka pyrthei baroh kawei bad u la ai ha nga ka jingkitkhlieh ban tei ïa ka templ na ka bynta jong u ha Jerusalem kaba ha Judah. Mynta, ma phi baroh kiba long ki briew jong U Blei, khie leit shata, bad to ai ba U Trai U Blei jong phi un long lem bad phi.”

SALM 106:10

U pynim ïa ki na kito kiba shun ïa ki; u pyllait ïa ki na ki nongshun jong ki.

ISAÏAH 43:14

U Blei uba khuid ki Israel, U Trai uba pynim ïa phi u ong, “Ban pynim ïa phi, ngan phah ïa ka kynhun shipai pyrshah ïa ka Babilon; ngan pynpait ïa ki khyrdop ka nongbah, bad ki jingrisa jong ki briew jong ka kin kylla jingïam.

ISAÏAH 45:13

Nga da lade hi nga la pynkhih ïa u Syros ban leh ban pyndep ïa ka jingthmu jong nga bad buh beit ïa kiei kiei. Ngan pynbeit ïa ka lynti baroh ba u leit. Un tei biang ïa ka nongbah jong nga, ka Jerusalem, bad un pyllait ïa ki briew ba shah set byndi jong nga. Ym don ba la shim wai ïa u ne ba la pynbam klop ïa u ban leh ïa kane.” U Trai Badonbor Baroh u la kren.

ISAÏAH 48:20

Khie mihnoh na Babilon, kiba laitluid! Pyrta jam da ka jingkmen ïa ka khubor; to pyntip ïa ka kylleng: “U Trai u la pynim ïa ki shakri jong u, ki Israel!”

JEREMAÏAH 13:4

“Khie leit sha ka Wah Ïuphratis bad buhrieh ïa ki patlun lyngkot hapoh ka thliew ha ki mawsiang.”

JEREMAÏAH 15:21

Ngan pyllait ïa me na ka bor jong ki rangbah bymman bad kiba leh jubor. Ma nga, U Trai, nga la kren.”

JEREMAÏAH 29:20

Ma phi baroh kiba nga la phah sha ka jinglongmraw ha Babilonia, to shahshkor ïa kaei kaba ma nga, U Trai, nga ong.’

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 48:41

bad ïa ki shnong bad ki kut yn kurup. Ha kata ka sngi ki shipai jong ka Moab kin sheptieng kum ka briew kaba suh kha.

JEREMAÏAH 52:27

Hangta u syiem u la phah ban tied ïa ki bad ban pynïap. Kumta ïa ki briew ka Judah la rah noh na ka ri jong ki sha ka jinglongmraw.

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

HOSIA 13:13

Ki Israel ki don ka lad ban im, hynrei ka long kaba bieit eh ban shim ïa ka — kum u khunlung uba la dei ban kha, u bym treh ban mih na ka kpoh.

HOSIA 2:14

Te ngan leit ïalam biang ïa ka sha ri shyiap; hangta ngan khroh biang ïa ka da ki ktien ieit.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MIKAH 5:3

Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.