MIKAH 3:8 - Khasi CL Bible (BSI)

⁸ Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

KA BAIBL

⁸ Hynrei, ma nga shisha da U Mynsiem U Trai nga dap ka bor, bad ka jingbishar, bad ka jingkhlaiñ, ïa ka ban ïathuh ha u Jakob ïa ka jingpalat jong u, bad ha u Israel ïa ka pop jong u.

MIKAH 3:8 ပူးပေါင်းရင်းမြစ်များ

Ka Kitab U Job 32:18

Ngam lah ap shuh, nga kwah ban kren. Ngam lah shuh ban kun ïa ki ktien.

ISAÏAH 58:1

U Trai u ong, “To pyrta jam katba phi lah! Ïathuh ïa ki briew jong nga ki Israel shaphang ki pop jong ki.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ISAÏAH 61:2

U la phah ïa nga ban pynbna ba ka por ka wan haba U Trai un pynim ïa ki briew jong u bad jop ïa ki nongshun jong ki. U la phah ïa nga ban pyntngen ïa baroh kiba sngewsih,

JEREMAÏAH 1:18

To shahshkor, ko Jeremaïah! Uwei pa uwei ha kane ka ri — ki syiem ka Judah, ki rangbah synshar, ki lyngdoh, bad ki briew — kin long pyrshah ïa me. Hynrei ha kane ka sngi nga ai ha me ka jingkhlaiñ ban ïeng pyrshah ïa ki; men long kum ka nongbah ba la ker kynroh, u rishot nar, bad ka kynroh rnong. Kin ym lah ban jop ïa me, naba ngan don lem bad me ban ïada ïa me. Ma nga, U Trai nga la kren.”

JEREMAÏAH 20:9

Hynrei haba nga ong, “Ngan klet noh ïa U Trai bad ngan ym kren shuh ha ka kyrteng jong u,” te ka khubor jong me ka long kum ka ding kaba klang jylliew hapoh jong nga. Nga la pyrshang kat kaba nga lah ban kun ïa ka, hynrei ngam lah ban bat ïa ka.

JEREMAÏAH 6:11

Ka jingbitar jong me pyrshah ïa ki ka pluh ruh hapoh jong nga, A Trai, bad ngam lah ban kun slem shuh ïa ka.” Nangta U Trai u la ong ha nga, “To theh noh ïa ka jingbitar jong nga halor ki khynnah ha ki surok bad ha ki jingïalang jong ki samla shynrang. Ïa ki rangbah bad ki tnga jong ki yn shim noh, bad wat ïa kiba tymmen tam yn ym pynsah.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 16:2

“Ko khun u briew,” u la ong, “to kdew ïa ka Jerusalem ïa kiei kiei kiba ijli kiba ka la leh.

ESEKIEL 20:4

“Hato me la kloi ban ai ïa ka jingrai halor jong ki, ko khun u briew? Te to leh kumta. Pynkynmaw ïa ki shaphang kiei kiei kiba ijli kiba ki kpa jong ki, ki la leh.

ESEKIEL 22:2

“Ko khun u briew,” u ong, “hato phi long ba la kloi ban bishar ïa ka nongbah kaba dap da ki nongpynïap briew? Pynpaw tyngkreiñ ïa kiei kiei kiba ijli kiba ka la leh.

ESEKIEL 23:36

U Trai u la ong ha nga, “Ko khun u briew, hato me la kloi ban bishar ïa ka Oholah bad ka Oholibah? Pynrem ïa ki namar kiei kiei kiba ijli kiba ki la leh.

ESEKIEL 3:14

Ka bor jong U Trai ka la wan ha nga da ka borbah, bad katba U Mynsiem jong u, u rah noh ïa nga, nga la sngewkthang bad sngewbitar.

ESEKIEL 43:10

Bad U Trai u la ong shuh, “Ko u khun u briew, to ïathuh ïa ki paid Israel shaphang ka Templ, bad ai ba kin ïitbniah ïa ka jingthmu jong ka. Pynlong ïa ki ban sngewlehrain ïa ki kam pop jong ki.

MATHAÏOS 7:29

Um shym la long kum ki nonghikai Aiñ; pynban, u la hikai da ka iktiar.

MARKOS 3:17

u Jakob bad u para jong u, u Ïoannis, ki khun jong u Sebedi (U Jisu u la ai kyrteng ïa ki, Boanerjes, kaba mut “ki Khun u Pyrthat”);