MIKAH 3:4 - Khasi CL Bible (BSI)

⁴ Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

KA BAIBL

⁴ “Ynda kumta, kin ïam ha U Trai, hynrei, un ym phai ktien ïa ki: un buhrieh ïa la ka khmat na ki, pynban, ha kata ka por, kat kumba ki la leh sniew ha ki jingleh jong ki.

MIKAH 3:4 ပူးပေါင်းရင်းမြစ်များ

Ka Kitab U Job 27:9

Haba ka jingeh ka wan, hato U Blei un ïohsngew ïa ki jingïam jong ki?

Ka Kitab U Job 35:13

Ka long ka bymmyntoi ïa ki ban kyang jam; U Blei Badonbor Baroh um shym ïohi lane ïohsngew ïa ki.

SALM 18:41

Ki kyang ban ïoh jingïarap, hynrei ym don mano mano ba pyllait im ïa ki; ki khot kyrpad ïa U Trai, hynrei um jubab.

PROBERB 1:28

Hangta kin sa khot kyrpad ïa ka jingstad, hynrei ngan ym jubab; phin sa wan wad ïa nga kylleng sawdong, hynrei phin ym shem ïa nga.

PROBERB 28:9

Lada phim kohnguh ïa ka hukum, U Blei un shem ïa ki jingduwai jong phi kiba ijli eh ban sngap.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

JEREMAÏAH 11:11

Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 33:5

Katto katne kin ïaleh pyrshah ïa ki nong Babilonia, ki ban pyndap ïa ki ïing da ki metïap jong kito kiba ngan sa pynïap namar ka jingbitar bad ka jingbitar shla jong nga. Nga la phai noh na kane ka nongbah namar kiei kiei kiba sniew kiba ki briew jong ka ki la leh.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

MIKAH 3:7

Kito kiba ïathuh lypa ïa ka lawei kin shah pynjahburom da ka jingbymlah jong ki. Baroh kin shah pynlehrain namar U Blei um shym jubab ïa ki.

MIKAH 7:13

Hynrei ka pyrthei kan long kum ka ri shyiap namar ka jingbymman jong kito kiba shong ha ka.

SEKHARAÏAH 7:13

Namar ba kim shym la shahshkor mynba nga la kren, ngam shym la jubab mynba ki la duwai.

MATHAÏOS 7:22

Haba ka Sngi Bishar ka poi, kiba bun kin ong ha nga, ‘A Trai, A Trai! Ha ka kyrteng jong me ngi la kren ïa ka khubor jong U Blei, da ka kyrteng jong me ngi la beh noh ïa shibun ki ksuid bad ngi la leh shibun ki kambah!’

LOUKAS 13:25

U kynrad jong ka ïing un khie bad un khang ïa ka jingkhang; nangta haba phi ïeng shabar bad sdang ban tied ha ka jingkhang bad ong, ‘To plie ïa ka jingkhang na ka bynta jong ngi, ko kynrad!’ Un jubab ïa phi, ‘Ngam ithuh ïa phi nangno phi ïawan!’

ÏOANNIS 9:31

Ngi tip ba U Blei um ju shahshkor ïa ki nongpop; u shahshkor ïa ki briew kiba burom ïa u bad ba leh ïa kaei kaba u kwah ïa ki ban leh.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

1 SAMUEL 8:18

Ynda poi kata ka por, phin sa lynñiar kthang namar u Syiem jong phi, uba phi hi da lade phi la jied, hynrei U Trai un ym sngap ïa ki jingud jong phi.”