MIKAH 3:3 - Khasi CL Bible (BSI)

³ Phi bam syndon ïa ki briew jong nga. Phi puid noh ïa ka sniehdoh jong ki, pynkheiñ ïa ki shyieng jong ki, bad shaiñ ïa ki kum ïa ka doh ha u khiew.

KA BAIBL

³ kiba bam ruh ïa ka doh ki briew jong nga; bad ki khoh ïa ka snep jong ki na ki, bad ki pynkheiñ ïa ki shyieng jong ki; shisha, ki daiñ lyngkhot lyngkhai ïa ki, kumba ïa u khiew, bad kum ka doh ha u dek.

MIKAH 3:3 ပူးပေါင်းရင်းမြစ်များ

SALM 14:4

“Hato kim tip?” U Trai u kylli. “Hato kine ki nongleh kam sniew kim tip ei ei? Ki im da kaba lute ïa ki briew jong nga, bad kim ju duwai sha nga.”

SALM 27:2

Haba ki riewsniew ki tur ïaleh ïa nga bad pyrshang ban pynïap ïa nga, ki jynthut bad ki kyllon.

PROBERB 30:14

Don ki briew kiba shim kabu-runar ïa kiba duk bad kiba kyrduh; kata ka long ka rukom ba ki kyrshan ïa la ka jingim.

ISAÏAH 3:14

U Trai u wallam sha ka jingbishar ïa ki tymmen ki san bad ïa ki nongïalam. U pynlong ïa kane ka jingkynnoh: “Phi la lute ïa ki bri sohwaiñ bad ki ïing jong phi ki dap da kiei kiei kiba phi la shim na kiba duk.

ISAÏAH 3:15

Phim don hok ban khñiot ïa ki briew jong nga bad ban shim kabu ïa kiba duk. Ma nga U Nongsynshar U Trai Badonbor baroh nga la kren.”

ESEKIEL 11:3

Ki ong, ‘Shen ngin tei pat ïa ki ïing. Ka nongbah ka long kum u khiew shet, bad ngi long kum ka doh hapoh jong u, hynrei la kumno kumno u la ïada ïa ngi na ka ding.’

ESEKIEL 24:4

To thep ïa ki dkhot doh kiba kynsai tam — ki tyrpeng bad ki kjat — pyndap ïa u ruh da ki kyrkhoit shyieng ba la jied.

AMOS 8:4

To shahshkor ïa kane, phi kiba ïuhroit ïa kiba kyrduh bad kiba pyrshang ban pynjot ïa kiba duk ha ka ri.

MIKAH 2:8

U Trai u jubab, “Phi tur ïaleh ïa ki briew jong nga kum ki nongshun. Ki rangbah ki wan phai na ka thma, da kaba pyrkhat ba kin shngain ha ïing, hynrei hangta ki shem, ïa kiba ap ban tuh noh ïa ki jaiñphong na ka met jong ki.

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.