MIKAH 3:2 - Khasi CL Bible (BSI)

² pynban phi isih ïa kaei kaba bha bad phi ieit ïa kaei kaba sniew. Phi khoh snieh im ïa ki briew jong nga bad phi tar ïa ka doh na ki shyieng jong ki.

KA BAIBL

² Kiba shun ïa ka babha, bad kiba ieit ïa ka basniew; kiba khoh ïa ka snep jong ki na ki, bad ïa ka doh jong ki na ki shyieng jong ki;

MIKAH 3:2 ပူးပေါင်းရင်းမြစ်များ

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

2 KHRONIKL 19:2

U nongïathuhlypa, u Jehu u khun jong u Hanani, u leit ban ïakynduh ïa u syiem bad ong ha u, “Hato ka long kaba dei ban ïarap ïa kito ki briew kiba sniew bad ban ïashah bad kito kiba isih ïa U Trai? Kaei kaba phi la leh ka la wallam ïa ka jingbitar U Trai halor jong phi.

SALM 15:4

U ibeiñ ïa kito kiba U Blei u la kyntait, hynrei u ai burom ïa kito kiba kohnguh ïa U Trai. U ïai pyndep ïa kaei kaba u kular, kam pher katno ka shongdor.

SALM 53:4

“Hato kim tip?” U Blei u kylli. “Hato kine ki nongleh kam sniew kim tip ei ei? Ki im da kaba lute ïa ki briew jong nga, bad kim ju duwai ha nga.”

PROBERB 28:4

Kito kiba lyndet ïa ka hukum ki ïaroh ïa ki bymman; hynrei kito kiba bat ïa ka ki ïaleh pyrshah ïa ki.

ISAÏAH 3:15

Phim don hok ban khñiot ïa ki briew jong nga bad ban shim kabu ïa kiba duk. Ma nga U Nongsynshar U Trai Badonbor baroh nga la kren.”

ISAÏAH 5:20

Phi long ba la tim! Phi khot kaba bha ïa kaba sniew bad kaba sniew ïa kaba bha. Phi pynphai ïa ka jingdum sha ka jingshai bad ïa ka jingshai sha ka jingdum. Phi pynlong kaba thiang ïa kaba kthang bad kaba kthang ïa kaba thiang.

ISAÏAH 57:12

Phi pyrkhat ba kaei kaba phi leh ka long kaba dei, hynrei ngan pynpaw ïa ki jingleh jong phi, bad ki bleithaw jong phi kin ym lah ban ïarap ei ei ïa phi.

ESEKIEL 11:7

“Kumta kane ka dei kaei kaba ma nga, U Trai Nongsynshar, nga ong ha phi. Kane ka nongbah ka dei da shisha u khiew shet, hynrei kaei ka doh? Ki metïap jong kito kiba phi la pynïap! Phin ym don shuh hangne — Ngan bret ïa phi shabar kane ka nongbah.

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

ESEKIEL 24:4

To thep ïa ki dkhot doh kiba kynsai tam — ki tyrpeng bad ki kjat — pyndap ïa u ruh da ki kyrkhoit shyieng ba la jied.

ESEKIEL 34:3

Phi dih ïa ka dud, phi kup ki jaiñ ba la thain na u 'saiwul, phi pynïap bad bam na ki langbrot kiba kynsai tam. Hynrei phim ju sumar bha ïa ki langbrot.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

MIKAH 2:8

U Trai u jubab, “Phi tur ïaleh ïa ki briew jong nga kum ki nongshun. Ki rangbah ki wan phai na ka thma, da kaba pyrkhat ba kin shngain ha ïing, hynrei hangta ki shem, ïa kiba ap ban tuh noh ïa ki jaiñphong na ka met jong ki.

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.

LOUKAS 19:14

Mynta, ki para ri jong u ki la isih ïa u, bad kumta ki la phah ïa ki nonglamktien hadien jong u ban ong, ‘Ngim kwah ïa une u briew ban long u syiem jong ngi.’

ÏOANNIS 18:40

Ki la jubab ïa u da kaba pyrta jam, “Em, ym dei ïa u! Ngi kwah ïa u Barabbas!” (u Barabbas u la long u nongkamsniew.)

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

Ka Shithi U Paul Sha Ki Nong Rom 1:32

Ki tip ba ka Hukum U Blei ka ong ba ki briew kiba im ha kane ka rukom ki dei hok ban ïap. Pynban, ym tang ba ki ïai leh ïa kine hi kiei kiei, hynrei ki mynjur wat ïa kiwei kiba leh ïa ki.

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

2 TIMOTHI 3:3

kin long ki bym lehsbun, ki bym ïamap, kiba kren sniew, kiba thala, bad kiba runar; kin isih ïa kaba bha,