MIKAH 3:12 - Khasi CL Bible (BSI)

¹² Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

KA BAIBL

¹² Namar kata, ïa ka Seïon yn lur kum ka lyngkha namar jong phi, bad ka Jerusalem kan long ki lymbher, bad u lum jong ka ïing kum ki jaka bajrong jong ka khlaw.”

MIKAH 3:12 ပူးပေါင်းရင်းမြစ်များ

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

SALM 79:1

A Blei, ki nongmane bleithaw ki la wan hiarthma ïa ka ri jong me. Ki la pyntngit ïa ka Templ bakhuid jong me; bad iehnoh ïa ka Jerusalem ha ka jingjot jingpra.

ISAÏAH 32:14

Wat ïa ka ïingsyiem yn iehnoh bad ka nongbah kan long kynjah jar. Ki ïing bad ki jaka ba la tei kut kiba ïada ïa ki kin don hapdeng ka jingjot junom. Ki kada khlaw kin ïashang hangta, bad ki langbrot kin shem ki jaka phlang hangta.

JEREMAÏAH 17:3

bad halor ki lumbah ha ka rudnong bym don jingkah. Ngan pynlong ïa ki nongshun jong phi ban shim noh ïa ka spah bad ïa ki jingkynshew jong phi namar ki pop baroh kiba phi la leh ha kylleng ka ri jong phi.

JEREMAÏAH 22:5

Hynrei lada phim kohnguh ïa ki hukum jong nga, te nga smai ha phi ba kane ka ïingsyiem kan ngat ha ki jingjot. Ma nga, U Trai, nga la kren.

JEREMAÏAH 22:6

“Ha nga, ka ïingsyiem Judah ka long kaba itynnat kum ka ri Gilead, bad kum ki lumbah Lebanon; hynrei ngan pynlong ïa ka, ka jaka kynjah ha kaba yn ym don bashong basah.

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

JEREMAÏAH 44:2

U Trai Badonbor Baroh, U Blei ki Israel, u ong, “Phi hi da lade phi la ïohi ïa ka jingpynjot kaba nga la wanrah ha Jerusalem bad ha baroh kiwei ki nongbah ka Judah. Wat mynta ki dang sah ha ki jingjot, bad ym don ba sah ha ki namar ki briew jong ki, ki la leh ïa kaba sniew bad ki la pynlong ïa nga ban bitar. Ki ai jingkñia ha kiwei pat ki blei bad shakri ïa ki blei kiba ma ki ne ma phi ne ki kpa tymmen jong phi kim ju mane.

JEREMAÏAH 52:13

U phah thang ïa ka Templ, ka ïingsyiem, bad ki ïing jong ki riewpawkhmat baroh ha Jerusalem;

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 5:18

namar u lum Seïon u long kynjah bad u la shah iehnoh, bad ki myrsiang khlaw ki shang kylleng lyngba ki jingpra jong u.

MIKAH 1:6

Kumta U Trai u ong, “Ngan pynlong ïa ka Samaria ka kynton ñiut ha rudnong, ka jaka ban thung ïa ki dieng sohwaiñ. Ngan theh noh ïa ka jakhlia jong ka nongbah sha ka jaka them, bad ngan pynpaw shabar tang ïa ki maw nongrim jong ka nongbah.

MATHAÏOS 24:2

“Ho-oid,” u la ong, “phi lah ban khmih ïa kine baroh. Nga ong ha phi ïa kane: Yn ym don uwei u maw hangne u ban dang neh ha la ka jaka; uwei pa uwei na ki un shah pynhap.”