MIKAH 2:6 - Khasi CL Bible (BSI)

⁶ Ki briew ki ïalap ha nga bad ki ong, “Wat ïalap ha ngi. Wat ïalap shaphang kata baroh. U Blei un ym pynjahburom ïa ngi.

KA BAIBL

⁶ “Wat ïathuhlypa phi,” kumta, ki ïathuhlypa. “Kin ym ïathuhlypa ha kine: ki jingkrenbeiñ kin ym duh noh.

MIKAH 2:6 ပူးပေါင်းရင်းမြစ်များ

SALM 74:9

Baroh ki dak bakyntang jong ngi kim don shuh; ym don shuh uno uno u nongïathuhlypa uba dang sah, bad ym don shuh mano mano batip sa haduh katno kane kan neh.

ISAÏAH 29:10

U Trai u la pynshoh samthiah ïa phi, bad phi sdang ban ngat ha ka jingïohthiah kaba jur. Ki nongïathuhlypa ki dei ban long ki khmat jong ki briew, hynrei U Blei u la pynmatlah ïa ki.

ISAÏAH 30:10

Ki ong ïa ki nongïathuhlypa ban sngap jar. Ki ong, “Wat kren ha ngi shaphang kaei kaba dei. Ïathuh ha ngi ïa kaei kaba ngi kwah ban ïohsngew. Ai ba ki jingïohi rngai jong ngi kin sah bad ngi.

ESEKIEL 20:46

“Ko khun u briew,” u la ong, “khmih shaphang shathie. To kren pyrshah ïa kaba shathie bad ïathuhlypa pyrshah ïa ka khlaw jong kaba shathie.

ESEKIEL 21:2

“Ko khun u briew,” u ong, “kyntait ïa ka Jerusalem. Kyntait ïa ki jaka ha kiba ki briew ki mane. Maham ïa ka ri Israel.

ESEKIEL 3:26

Ngan teh ïa u thylliej jong me ba kumta men ym lah ban maham ïa kine ki riewïaleh pyrshah.

AMOS 2:12

Hynrei phi la pynlong ïa ki Nasir ban dih waiñ, bad phi la hukum ïa ki nongïathuhlypa ban ym kren ïa ka khubor jong nga.

AMOS 7:13

Wat ïathuhlypa shuh hangne ha Bethel. Kane ka dei ka jaka mane Blei jong u syiem, ka Templ jong ka hima.”

AMOS 7:16

Kumta mynta, to shahshkor ïa kaei kaba U Trai u ong. Me bthah ïa nga ban sangeh kaba ïathuhlypa, ban sangeh kaba kren lamwir pyrshah ïa ki briew ka Israel.

MIKAH 3:6

Ïa kine ki nongïathuhlypa, U Trai u ong, “Ko ki nongïathuhlypa, ka sngi jong phi ka la jan kut noh; ka sngi ka la jan wai na ka bynta jong phi. Namar ba phi ïalam bakla ïa ki briew jong nga, phin ym don shuh ki jingïohipaw ban ïathuhlypa, bad phin ym lah ban ïathuh lypa ei ei.”

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

KI KAM 4:17

Hynrei ban khanglad ïa kane ban phriang shuh shuh hapdeng ki briew, to ngin maham ïa kine ki briew ban ym kren da lei lei shuh hano hano ha ka kyrteng U Jisu.”

KI KAM 5:28

“Ngi la ai ha phi ïa ki hukum bapyrkhing ban ym hikai ha ka kyrteng jong une u briew,” u la ong; “hynrei peit kaei kaba phi la leh! Phi la pynphriang ïa ka jinghikai jong phi kylleng ka Jerusalem, bad phi kwah ban pynlong ïa ngi kiba kitkhlieh na ka bynta ka jingïap jong u!”

KI KAM 5:40

Ki la khot shapoh ïa ki apostol, ki la phah sympat ïa ki, bad hukum ïa ki ban ym kren shuh da lei lei ha ka kyrteng jong U Jisu; bad nangta ki la pyllait noh ïa ki.

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!