MIKAH 2:3 - Khasi CL Bible (BSI)

³ Bad kumta U Trai u ong, “Nga dang thmu ban wallam ïa ka jingjot ha phi, bad phin ym lah ban lait na ka. Phin sa shem ïa lade ha ka jingeh, bad nangta phin ym ïaid sngewsarong shuh.

KA BAIBL

³ Namar kata, U Trai u ong kumne: “Ha khmih, nga thaw ïa ka jingsniew pyrshah ïa kane ka ïing, na kaba phin ym ïoh pynkynriah ïa la ki ryndang, lymne phin ym ïaid sarong; naba ka long ka por ka basniew.

MIKAH 2:3 ပူးပေါင်းရင်းမြစ်များ

ISAÏAH 29:20

Kan sa long kaba kut ïa kito kiba banbeiñ ïa kiwei bad kiba pyn-i jingñiewbeiñ ïa U Blei. Ïa uwei pa uwei u nongpop yn pynjot.

ISAÏAH 3:16

U Trai u ong, “Ha khmih haduh katno ki kynthei ka Jerusalem ki long kiba sarong! Ki ïaid da kaba pynhieng ïa la ki khmut. Ki ju long borabor kiba kynshleiñ. Ki shim ki sien jam kiba rit itynnat bad ki jingdeng ha ki matsohlah ki sawa.

ISAÏAH 5:19

Phi ong, “Ai ba U Trai un pynstet bad leh ïa kaei kaba u ong ba un leh, ba kumta ngi lah ban ïohi ïa ka. Ai ba U Blei bakhuid ka Israel un pyndep ïa ki jingthmu jong u, to ngin khmih kaei u don ha ka jingmut jong u.”

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 27:12

Nga la ong ïa kajuh ha u syiem Sedekaïah jong ka Judah. “Pyndem ha u syiem jong ka Babilonia. Shakri ïa u bad ïa ki briew jong u, bad phin im.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

JEREMAÏAH 36:23

Mar shu dep pule da u Jehudi ïa ki lai ne saw bynta, u syiem u la ot ïa ki da ka tari barit bad bret ïa ki ha ka ding. U ïai leh ïa kane haduh ba la thang lut ïa ka kot kli baroh kawei.

JEREMAÏAH 43:2

Nangta u Asaraïah u khun jong u Hoshaïah bad u Johanan u khun jong u Kareah bad baroh kiwei ki rangbah ba leh meng ki la ong ïa nga, “Phi shukor. U Trai U Blei jong ngi um shym la phah ïa phi ban ong ha ngi ba ngin ym leit bad shong ha Ijipt.

JEREMAÏAH 8:3

Bad ki briew jong kane ka jaitbynriew basniew kiba dang im, kiba shong ha ki jaka kiba nga la pynsakma ïa ki, kin jied ban ïap ban ïa kaba ki ïai im. Ma nga, U Trai, nga la kren.”

SNGEWSYNEI 1:14

“U la kynmaw ïa ki pop jong nga baroh bad u la teh lang ïa ki baroh; u la sdien ïa ki ha u ryndang jong nga, bad nga la sdang tlot hapoh ka jingbankhia. U Trai u la ai ïa nga ha ki nongshun jong nga, bad ngam lah leh ei ei pyrshah ïa ki.

SNGEWSYNEI 2:17

U Trai u la pyndep khoit ïa kaei kaba u la byrngem ban leh: U la pynjot ïa ngi khlem jingisynei, kumba u la maham ïa ngi la slem bah. U la ai ka jingjop ha ki nongshun jong ngi, u la ai ha ki ka jingkmen ha ka jingkyllon jong ngi.

SNGEWSYNEI 5:5

Ngi la shah banbeiñ kum ki kada lane ki ut, ngi la thait, hynrei ym shym la ai jingjahthait.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

AMOS 2:14

Wat ki nongmareh stet kin ym lait im, ki rangbah kiba khlaiñ kin duh ïa la ka bor, bad ki shipai kin ym lah wat ban pyllait ïa la ka jong ka jingim.

AMOS 3:1

Ko ki paid Israel, to sngew ïa kane ka khubor kaba U Trai u la kren shaphang jong phi, ka jaitbynriew baroh kawei kaba u la wan ïalam na ka ri Ijipt;

AMOS 3:2

“Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

AMOS 5:13

Bad kumta, kaba sngap jar ha kum kita ki por kiba sniew ka long kaba sian ban leh.

MIKAH 2:1

Katno kaba sngewtriem kan long ïa kito kiba peitmat bad thmu ïa kaba sniew! Haba poi ka step, mar ïa-ïoh ïa ka kabu, ki leh ïa kaba sniew kaba ki la thmu.

Ka Shithi U Paul Sha Ki Nong Rom 16:4

kiba la kheiñduh ïa la ka jingim na ka bynta jong nga. Nga dap da ka jingsngewnguh ïa ki — ym tang ma nga, hynrei baroh ki balang Jentil kumjuh.

EPHESOS 5:16

To pyndonkam bha ïa ki kabu baroh ba phi ïoh, namar kine ki long ki sngi kiba sniew.

DEUTERONOMI 28:48

Kumta keiñ, phin hap ban shakri ïa ki nongshun ba U Trai un phah pyrshah ïa phi. Phin thngan, phin sliang, bad phin lyngkhuit — phin da kyrduh shisha khait. U Trai un pynshitom jur ïa phi haduh ba phin da jot thiaw.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.