MIKAH 2:2 - Khasi CL Bible (BSI)

² Haba ki ikwah ïa ki lyngkha, ki shu knieh ïa ki; haba ki ikwah ïa ki ïing, ki shu shim ïa ki. Ym don ka longïing ne ka jingdon jingem jongno jongno kaba shongshngain.

KA BAIBL

² Ki khwan ïa ki lyngkha, bad ki knieh ïa ki; bad ïa ki ïing, bad ki shim noh ïa ki: bad ki leh jubor ïa u briew bad la ka ïing, u briew bad la ka jingïoh kynti.

MIKAH 2:2 ပူးပေါင်းရင်းမြစ်များ

1 SYIEM 21:1

Hajan ka ïingsyiem jong u Ahab ha Jesreel, ka la don ka bri sohwaiñ kaba long trai da u briew uba kyrteng u Naboth.

2 SYIEM 9:26

‘Nga la ïohi mynhynnin ïa ka jingpynïap ïa u Naboth bad ki khun shynrang jong u. Bad nga kular ba ngan pynshitom kylliang ïa me ha kane hi ka jaka.’ Kumta shim ïa ka met jong u Joram,” u Jehu u hukum ïa u nongbud jong u, “bad leit bret ïa ka ha ka lyngkha kaba dei ka jong u Naboth, khnang ban pyndep ïa ka jingkular jong U Trai.”

Ka Kitab U Job 31:38

Lada nga la tuh ïa ka jaka kaba nga rep bad knieh ïa ka na ki trai kiba dei hok —

EKSODOS 20:17

“Wat kwah rhah ïa ka ïing u paramarjan jong phi; wat ikwah ïa ka tnga jong u, lane ïa ki mraw jong u, lane ïa ki masi jong u, lane ïa ki kada jong u, lane ïa kaei kaei ruh kaba dei ka jong u.”

ISAÏAH 3:14

U Trai u wallam sha ka jingbishar ïa ki tymmen ki san bad ïa ki nongïalam. U pynlong ïa kane ka jingkynnoh: “Phi la lute ïa ki bri sohwaiñ bad ki ïing jong phi ki dap da kiei kiei kiba phi la shim na kiba duk.

ISAÏAH 5:8

Phi long kiba la tim. Phi thied bun tylli ki ïing bad ki lyngkha ban bynrap shuh shuh ïa kito kiba phi la don lypa. Shen yn ym don jaka ïano ïano pat ban shong ban sah bad tang ma phi hi phin shong ha ka ri.

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

ESEKIEL 18:12

U shukor ïa kiba duk, u lute, u bat noh ïa kaei kaba u nongshim ram u ai ha u kum ka bynda. U leit sha ki jaka mane blei thala, da kaba mane ïa ki bleithaw ba-ijli,

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

ESEKIEL 22:13

“Ngan pynhap ïa ka ksang'ti jong nga halor ki kam tuh bad pynïap briew.

ESEKIEL 33:26

Phi shaniah ha ki waitlam jong phi. Ki kam jong phi ki long kiba ijli. Uwei pa uwei u klim. Kaei kaba pynlong ïa phi ban pyrkhat ba ka ri ka dei ka jong phi?

ESEKIEL 45:9

U Trai Nongsynshar u la ong, “Phi la leh pop la slem bha, ko ki nongsynshar ka Israel! Sangeh noh na ka jingleh jubor bad ka jingbanbeiñ jong phi. Leh ïa kaei kaba dei bad kaba hok. Phim dei shuh ban beh noh ïa ki briew jong nga na ka ri jong ki. Ma nga, U Trai Nongsynshar, nga ong ha phi ïa kane.

ESEKIEL 46:18

U khun syiem uba synshar um dei ban shim noh ïa kano kano ka nongkynti na ki paidbah. Kano kano ka jaka kaba u ai ha ki khun shynrang jong u, ka dei ban long na ka jaka ïa kaba la mang ïa u, khnang ba un ym banbeiñ ïano ïano na ki briew jong nga da kaba shim ïa ka jaka jong ki.”

ESEKIEL 8:17

U Trai u la ong ha nga, “Ko khun u briew, me ïohi ïa katai? Kine ki briew ka Judah kim pat hun tang kaba leh ïa ki kam ba-ijli kiba me la ïohi hangne bad ban pynphriang ïa ka ri da ka jingleh thombor. Em, ki dei ban wan bad leh ïa ki hangne hi ha ka Templ ban pynbitar shuh shuh ïa nga. Peit kumno ki beiñ ïa nga ha ka rukom kaba kham palat.

AMOS 2:7

Ki kyrdem ïa kiba tlot bad ki bymdonbor bad ki khynñiat sharud lynti ïa kiba duk. U briew bad u kpa jong u ki ïathiah shongkha ïa kajuh ka kynthei mraw, bad kumta ki pyntngit ïa ka kyrteng kaba khuid jong nga.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

AMOS 8:4

To shahshkor ïa kane, phi kiba ïuhroit ïa kiba kyrduh bad kiba pyrshang ban pynjot ïa kiba duk ha ka ri.

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.