MIKAH 2:12 - Khasi CL Bible (BSI)

¹² “Hynrei ngan lumlang ïa phi, phi baroh ki paid Israel kiba dang sah. Ngan wallam lang ïa phi kum ki langbrot sha ka kynhun. Kum ka jaka bam phlang ba-dap da ki langbrot, ka ri jong phi kan dap biang sa shisien da ki paidbah babun.”

KA BAIBL

¹² Da shisha ngan lum lang ïa me baroh, ko Jakob; da shisha ngan lum lang ïa kiba dang sah jong ki Israel; ngan buh lang ïa ki kum ki langbrot Bosrah: kum ka kynhun ha la ka jaka bam phlang, kin pynlong ka jingsawa bakhraw namar ba bun eh ki briew.”

MIKAH 2:12 ပူးပေါင်းရင်းမြစ်များ

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 27:12

Ha kata ka sngi, na Ïuphratis shaduh u pud ka ri Ijipt, U Trai un ïalum ïa uwei pa uwei na ki briew jong u, kum uba pynkhlad ïa u kew na u stait.

ISAÏAH 34:6

Ïa ka waitlam jong u yn tap da ka snam bad ka khleiñ jong ki, kum ka snam bad ka khleiñ jong ki langbrot bad ki blang ïa kiba la kñia. U Trai un pynlong ïa kane ka jingkñia ha ka nongbah Bosrah; un pynlong ïa kane ka jingpynïap bakhraw ha ka ri ki Edom.

ISAÏAH 5:17

Ha ki jaka bapra jong ki nongbah, ki khunlangbrot kin bam phlang bad ki blang samla kin shem ka jaka bam phlang.

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

ESEKIEL 34:11

“Ma nga U Trai Nongsynshar, nga ïathuh ha phi ba nga hi da lade ngan wad ïa ki langbrot jong nga bad sumar ïa ki.

ESEKIEL 34:13

Ngan wallam noh ïa ki na ki ri nongwei, ngan lumlang ïa ki, bad ngan wallam biang ïa ki sha ka ri jong ki hi, ngan ïalam biang ïa ki sha ki lumbah bad ki wahduid ka Israel bad ngan bsa ïa ki ha ki jaka bam phlang kiba sngewtynnat.

ESEKIEL 34:22

Hynrei ngan pyllait im ïa la ki langbrot bad ngan ym shah ba yn lehbeiñ shuh ïa ki. Ngan bishar ïa kawei pa kawei na ki langbrot jong nga bad pynïakhlad ïa kiba bha na kiba sniew.

ESEKIEL 34:31

“Ma phi, ki langbrot jong nga, ka kynhun kaba nga bsa, phi long ki briew jong nga, bad nga long U Blei jong phi,” ong U Trai Nongsynshar.

ESEKIEL 36:37

U Trai Nongsynshar u ong, “Sa shisien pat ngan shah ïa ki Israel ba kin pan jingïarap na nga bad ngan shah ïa ki ba kin roi ha ka jingbun briew kum ka kynhun langbrot.

ESEKIEL 37:21

Nangta to ïathuh ha ki ba ma nga, U Trai Nongsynshar, ngan shim noh ïa ki briew jong nga baroh na ki jaitbynriew sha kiba ki la leit, ngan lumlang ïa ki na ki, bad wanrah pat ïa ki sha la ka jong ka ri.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

AMOS 1:12

Kumta ngan phah ka ding ha nongbah Teman, bad kan thang duh ïa ki kut ka Bosrah.”

MIKAH 2:13

U Blei un plie ïa ka lynti na ka bynta jong ki bad un ïalam noh ïa ki na ka jingshah ringmraw. Kin mih bran na ki khyrdop ka nongbah bad kin long kiba laitluid. U syiem jong ki, U Trai da lade hi, un ïalam ïa ki shabar.

MIKAH 4:8

Bad ma pha, ko Jerusalem, ha kaba U Blei, kum u nongaplangbrot, u sumar ïa la ki briew, phan long pat sa shisien ka nongbah jong ka hima kaba la ju long ka jong pha.

MIKAH 5:7

Ki paid Israel kiba lait im kin long kum ka umjer ba pynpyngngad ba la phah da U Trai na ka bynta ki jaitbynriew ba bun, kum ki um slap ha ki jingthung ba dang mih. Kin shaniah ha U Blei, ym ha u briew.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

MIKAH 7:14

To long u nongaplangbrot ïa la ki briew, A Trai, ki briew kiba me la jied. Wat la ki shong saphred ha ka ri khlaw, ka don ka jaka baseisoh sawdong jong ki. To ai ba kin leit bad bam na ki jaka phlang bajyrngam jong ka Bashan bad ka Gilead, kumba ki la leh mynshuwa la slem bah.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEPHANAÏAH 3:20

Ka por ka poi! Ngan wallam sha ïing ïa ki briew jong pha kiba la shah pynsakma; ngan pynlong ïa pha kaba pawnam ha kylleng ka pyrthei bad ngan pynlong ïa pha kaba manbha pat.” U Trai u la kren.