MIKAH 2:10 - Khasi CL Bible (BSI)

¹⁰ To ïeng joit bad mihnoh; naba ym don shuh ka jingshngain hangne. Ki pop jong phi ki la long jingtim sha ka jingpynjot ïa kane ka jaka.

KA BAIBL

¹⁰ To ïeng, bad khie leit noh; naba kane, kam long ka jingjahthait jong phi: namar ka jingbymkhuid kaba pynjot, da ka jingpynjot sat keiñ.

MIKAH 2:10 ပူးပေါင်းရင်းမြစ်များ

1 SYIEM 9:7

ngan jynrat noh ïa ki Israel na kane ka ri ïa kaba nga la ai ha ki; bad ngan kyntait noh ïa kane ka ïing ïa kaba nga la pynkyntang na ka bynta ka kyrteng jong nga; bad ki Israel kin sa shah rkhiebeiñ bad shah kynshi hapdeng ki jaitbynriew baroh.

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

2 KHRONIKL 7:20

te ngan weng noh ïa phi na kane ka ri ïa kaba nga la ai ha phi, bad ngan iehnoh ïa kane ka Templ ba nga la pynkyntang kum ka jaka ha kaba yn mane ïa nga. Ki briew kylleng kin krenbeiñ bad ñiewbeiñ ïa ka.

SALM 106:38

Ki la pynïap ïa kito ki khun balui lui, bad ïa ka ri la pynjyrsieh da kita ki jingpynïap briew.

SALM 95:11

Nga la bitar bad pynlong ka jingsmai kyntang: ‘Phin ym ïohrung da lei lei ha ka ri sha ka jaka ha kaba ngan ai ka jingjahthait ïa phi.’ ”

JEREMAÏAH 10:18

U Trai un kynting ïa phi shabar jong kane ka ri; un pynlwet ïa phi tad haduh ba yn ym don uno uno ruh na phi uba dang sah. U Trai u la kren.

JEREMAÏAH 3:2

Khmih shatei halor ki kliar lum. Hato don kano kano ka jaka ha kaba pham shym la leh kum ka nuti? Pha la ap ïa ki nongleh-ieit shi lynter ka rud surok, kumba u Arab u apthap ha ka ri shyiap. Pha la pyntngit ïa ka ri da ka jingleh nuti jong pha.

JEREMAÏAH 9:19

To shahshkor ïa ka jingsawa ka jingïam ha Seïon, “La pynjot ïa ngi! La pynlehrain khoit ïa ngi! Ngi dei ban iehnoh ïa ka ri jong ngi; ïa ki ïing jong ngi la pynkhyllem.”

ESEKIEL 36:17

“Ko khun u briew,” u ong, “haba ki Israel ki dang shong ha la ka ri, ki la pyntngit ïa ka da ki rukom ba ki im bad ki leh, nga ñiew ïa ka rukom im jong ki kum ka bymkhuid kat kum ka jinglehniam kum ka kynthei ha ka por ba ka poi bnai.

ESEKIEL 36:19

Nga pynrem ïa ki namar ka rukom ba ki im bad ki leh, bad nga la pynsakma ïa ki kylleng ki ri nongwei.

DEUTERONOMI 12:9

namar phim pat rung ha kata ka ri ba U Trai U Blei jong phi u ai ha phi, ha kaba phin ïoh shongsuk shongsaiñ.

DEUTERONOMI 30:18

yn pynjot thiaw ïa phi — nga maham ïa phi hangne mynta. Phin ym im slem ha kata ka ri kaba phin ïohkynti ha shiliang ka Jordan.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.