MIKAH 2:1 - Khasi CL Bible (BSI)

¹ Katno kaba sngewtriem kan long ïa kito kiba peitmat bad thmu ïa kaba sniew! Haba poi ka step, mar ïa-ïoh ïa ka kabu, ki leh ïa kaba sniew kaba ki la thmu.

KA BAIBL

¹ Kordit ïa kita kiba shet ïa ka jingsniew bad bathaw ïa ka jingbymman halor la ki jingthiah! haba ka la shai mynstep, ki pyndep ïa kata, namar ba ka shong ha ka bor jong ki.

MIKAH 2:1 ပူးပေါင်းရင်းမြစ်များ

JENESIS 31:29

Nga don ka bor ban pynmynsaw ïa me; hynrei hynne mynmiet U Blei jong u kpa jong me u la maham ïa nga ba ngan ym byrngem ei ei ïa me.

1 SYIEM 21:7

“Haba kumta, phi dei ne phim dei u syiem?” Ka Jesebel ka jubab, “To khie joit na jingthiah, lehkmen bad to bam. Ngan pynïoh ha phi ïa ka bri sohwaiñ u Naboth!”

ESTHER 3:8

Kumta u Haman u ong ïa u syiem. “Ka don kawei ka jaitbynriew kaba la saphriang kylleng sawdong ka hima jong phi bad ba lah ban shem ha kawei pa kawei ka probins. Ki bud ïa ki dustur kiba ïapher na ki jong kiwei pat ki jaitbynriew. Nalor kata kim kohnguh ïa ki aiñ jong ka hima, kumta kan ym long kaba bha ïa phi ban shah ïa ki.

ESTHER 5:14

Kumta ka tnga jong u bad ki paralok jong u baroh ki ai jingmut, “Balei ba phim shna da ka diengphasi kaba arphew ar mitar ka jingjrong? La shai mynstep phi lah ban ong ïa u syiem ban sdien ïa u Mordekai halor jong ka, bad nangta sa leit sha ka jingkhawai da kaba kmen.” U Haman u la pyrkhat ba kane ka long kaba dei, kumta u la phah thaw ïa ka diengphasi.

ESTHER 9:25

Hynrei ka Esther ka la leit sha u syiem bad u syiem u la pynmih ki hukum da ka jingthoh, kaba ka jingmih ka long ba u Haman u la shah ïa ka kupar kaba u la thmu na ka bynta ki Jiw — ma u bad ki khun shynrang jong u ki la shah sdien ha u diengphasi.

Ka Kitab U Job 15:35

Kine ki long ki briew kiba thmu ban pynjynjar bad ban leh ïa kaba sniew; ki dohnud jong ki, ki dap borabor da ka jingshet shukor.

Ka Kitab U Job 24:14

Dang step phyrngab u nongpynïap briew u khie bad u mih ban leit pynïap ïa uba duk, bad mynmiet u tuh.

SALM 36:4

U thaw ki jingthmu basniew katba u dang don ha jingthiah; ym don kaba u leh kaba long kaba bha bad um ju kyntait ïa kano kano kaba sniew.

SALM 36:5

A Trai, ka jingieit baneh jong me, ka kot haduh ki bneng; ka jingïaineh jong me ka kynjoh haduh ki sahit bneng.

SALM 58:3

Ki nongkamsniew ki ïaid bakla baroh shi jingim; ki kren lamler naduh ka sngi ba la kha ïa ki.

PROBERB 12:2

U Trai u sngewbha ïa ki briew kiba bha, hynrei u pynrem ïa kito kiba thmu sniew.

PROBERB 14:22

Phin ïoh ïa ka jingshaniah bad jingñiewkor na kiwei lada phi trei na ka bynta kaba bha; lada phi trei na ka bynta kaba sniew, phi leh ïa kaba bakla.

PROBERB 3:27

Ha kano kano ka por ba phi ïoh ka kabu, leh ïa kaba bha ïa kito kiba donkam ïa ka.

PROBERB 4:16

Ki riewsniew kim nang ïohthiah lymda ki ïoh ban leh ïa ka kam sniew; ki peitmat sah lymda ki la ïoh pynmynsaw ïano ïano.

ISAÏAH 29:20

Kan sa long kaba kut ïa kito kiba banbeiñ ïa kiwei bad kiba pyn-i jingñiewbeiñ ïa U Blei. Ïa uwei pa uwei u nongpop yn pynjot.

ISAÏAH 3:14

U Trai u wallam sha ka jingbishar ïa ki tymmen ki san bad ïa ki nongïalam. U pynlong ïa kane ka jingkynnoh: “Phi la lute ïa ki bri sohwaiñ bad ki ïing jong phi ki dap da kiei kiei kiba phi la shim na kiba duk.

ISAÏAH 32:7

U briew uba mutlop u long uba sniew bad u leh ïa ki kam kiba sniew; u ïasylla ban pynsniew ïa kiba duk da ki jingshukor bad ban khanglad ïa ki ban ïoh ïa ki hok jong ki.

ISAÏAH 5:8

Phi long kiba la tim. Phi thied bun tylli ki ïing bad ki lyngkha ban bynrap shuh shuh ïa kito kiba phi la don lypa. Shen yn ym don jaka ïano ïano pat ban shong ban sah bad tang ma phi hi phin shong ha ka ri.

ISAÏAH 59:3

Phi long kiba la rem namar ka jinglamler, ka jingleh jubor bad ka jingpynïap briew.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

ESEKIEL 11:2

U Blei u la ong ha nga, “Ko khun u briew, kine ki rangbah ki thaw ki jingthmu basniew bad ki ai ïa ka jingai jingmut bym long hapoh kane ka nongbah.

ESEKIEL 33:26

Phi shaniah ha ki waitlam jong phi. Ki kam jong phi ki long kiba ijli. Uwei pa uwei u klim. Kaei kaba pynlong ïa phi ban pyrkhat ba ka ri ka dei ka jong phi?

ESEKIEL 38:10

Kane ka long kaei kaba U Trai Nongsynshar u ong ïa u Gog: “Haba kata ka por ka la poi, men sa sdang pyrkhat ïa ka buit sniew.

ESEKIEL 46:18

U khun syiem uba synshar um dei ban shim noh ïa kano kano ka nongkynti na ki paidbah. Kano kano ka jaka kaba u ai ha ki khun shynrang jong u, ka dei ban long na ka jaka ïa kaba la mang ïa u, khnang ba un ym banbeiñ ïano ïano na ki briew jong nga da kaba shim ïa ka jaka jong ki.”

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

NAHUM 1:11

Na pha, ko Ninebeh, la wan u briew uba dap da ki jingpyrkhat bymman, uba la ïasylla pyrshah ïa U Trai.

SEKHARAÏAH 7:10

Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

MARKOS 15:1

Dang step eh ki rangbah lyngdoh ki la ïakynduh kyrkieh bad ki rangbah nongïalam, ki nonghikai jong ka Hukum, bad ïa ka Dorbar baroh kawei, bad ki la shna ïa ki jingthmu jong ki. Ki la teh kynjri ïa U Jisu, ki la ïalam noh ïa u, bad ki la aiti ïa u sha u Pilat.

LOUKAS 20:19

Ki nonghikai ka Hukum bad ki rangbah lyngdoh ki la pyrshang ban kem ïa U Jisu hangta hi, namar ki la tip ba u la ïathuh ïa kane ka pharshi pyrshah ïa ki; hynrei ki la ïasheptieng ïa ki paidbah.

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

KI KAM 23:12

Ha ka step kaba bud katto katne ngut ki Jiw ki la ïakynduh lang bad ki la pynlong ka jingsylla. Ki la shim smai ba kin ym bam lane dih ei ei tad ynda ki la lah pynïap ïa u Paul.

KI KAM 23:15

Mynta te, ma phi bad ka Dorbar to phah ktien sha u rangbah ai hukum ka kynhun shipai Rom ban wallam ïa u Paul sha phi, da kaba leh mynleh ba phi kwah ban ïoh ka jingtip kaba thikna shaphang jong u. Hynrei ngin long kiba la khreh ban pynïap ïa u ha shuwa ba un poi hangne.”

Ka Shithi U Paul Sha Ki Nong Rom 1:30

Ki ïa-lorni bad kren sniew uwei ïa uwei pat; ki long kiba shun ïa U Blei, kiba pynbitar, kiba sarong bad kiba sngewmeng; ki pyrkhat ïa kiba bun ki lynti ban leh ïa kaba sniew; kim kohnguh ïa la ki kmie ki kpa;

DEUTERONOMI 28:32

Ïa ki khun shynrang bad ki khun kynthei jong phi yn ai noh kum ki mraw ha ki nongwei katba phi pat phi shu peit. Man ka sngi phin pynshitom sat ïa la ki khmat ba phi ap lehnoh-ei ïa la ki khun ba kin wan phai pat.