MIKAH 1:9 - Khasi CL Bible (BSI)

⁹ Ïa ki jingmong ka Samaria yn ym lah pynkhiah, bad ka Judah kan shahshitom ha kajuh ka rukom; ka jingpynjot ka la poi haduh ki khyrdop ka Jerusalem hi, ha kaba ki briew jong nga ki shong.”

KA BAIBL

⁹ Naba ïa ki jingmong jong ka ym lah pynkhiah shuh: naba ka la wan jin haduh Judah; ka kot haduh ka khyrdop ki briew jong nga, haduh Jerusalem keiñ.

MIKAH 1:9 ပူးပေါင်းရင်းမြစ်များ

ISAÏAH 3:26

Ki khyrdop ka nongbah kin ïambriew bad kin kyang, bad ka nongbah hi kan long kum ka kynthei kaba shong ha madan kaba la shah sloit lyngkhuit.

ISAÏAH 36:1

Ha ka snem kaba khatsaw ba u Hesekaïah u la long u Syiem ka Judah, u Sennakherib, u patsha ka Assyria u la tur ïaleh ïa ki nongbah ba la ker kynroh jong ka Judah bad u la knieh ïa ki.

ISAÏAH 36:2

Te u la hukum ïa u rangbah synshar jong u, uba ha khlieh ban leit na Lakhish sha Jerusalem lem bad ka kynhun shipai kaba khraw ban dawa ba u syiem Hesekaïah u dei ban pyndem. U rangbah synshar u ïeng ha ka surok ha kaba ki nongthain jaiñ ki treikam, harud ka nur kaba wanrah um na ka pung kaba haneng.

JEREMAÏAH 15:18

Balei nga dei ban ïaishah shitom? Balei ba ki jingmynsaw jong nga ym lah ban pynkoit? Balei ba kim koit? Hato me thmu ban pynnoh mynsiem ïa nga kum ka wahduid kaba ryngkhiang ha ka por lyiur?”

JEREMAÏAH 46:11

Ko ki briew jong ka Ijipt, khie leit sha Gilead bad wad ïa ka dawai! Ki dawai jong pha baroh ki la pynshisha ba kim myntoi ei ei; ym don ei ei ba lah ban pynkhiah ïa pha.

MIKAH 1:12

Ki briew jong ka Maroth ki ap da ka jinglyng-a ïa ka jingïarap, namar ba U Trai u la wallam ïa ka jingjot sha jan ka Jerusalem.

MIKAH 6:13

Te nga la dep sdang ïa ka jingpynjot bad jingpynpra ïa phi namar ki pop jong phi.

NAHUM 3:19

Ym don jingpynkoit ei ei ïa ki jingmynsaw jong me, bad ïa ki jingmong jong me ym lah ban pynkoit. Baroh kito kiba ïohsngew ïa ka khubor shaphang ka jingpynjot ïa me ki thap ïa la ki kti ha ka jingkmen. Hato uno uno un lait phet na ka jinglong runar bymkut jong me?