MIKAH 1:8 - Khasi CL Bible (BSI)

⁸ Nangta u Mikah u la ong, “Namar kane ngan ïambriew bad ïam sngewsih. Ban pynpaw ïa ka jingsngewsih jong nga, ngan ïaid da ka kjat suda bad khlem jaiñkup. Ngan jlew kum u myrsiang, bad ngan ud kum ka ostrit.

KA BAIBL

⁸ Namar kane, ngan ïam bad ngan lynñiar, ngan leit lymboit bad lyngkhuit: ngan pynlong ka jinglynñiar kum ki Ksar, bad ka jingïam sngewsih kum ki Ostrits.

MIKAH 1:8 ပူးပေါင်းရင်းမြစ်များ

2 SYIEM 18:13

Ha ka snem kaba khatsaw jong ka jingsynshar u syiem Hesekaïah, u Sennakherib, u patsha ka Assyria, u tur ïaleh ïa ki nongbah ba la ker kynroh jong ka Judah bad ki jop ïa ki.

ESTHER 4:1

Haba u Mordekai u tip ïa kata baroh ba la leh, u tar ïa la ki jaiñ ha ka jinglyng-a bajur. Nangta u phong da ki jaiñ khain bad sleh ïa ka khlieh da u dpei, bad ïaid lyngba ïa ka nongbah, u da ïam lynñiar kthang, haduh ba un da poi ha ka jaka rung sha ka ïingsyiem.

Ka Kitab U Job 30:29

Ka sur jong nga ka long sngewsih bad marwei kum ka jingïam u myrsiang lane ka ostrit.

SALM 102:6

Nga long kum ka sim khlaw ha ka ri shyiap, kum ka dkhoh ha ki jaka ba la long kynjah.

ISAÏAH 13:21

Kan long ka jaka ha kaba ki mrad ka ri shyiap kin shong bad ki dkhoh kin shna ïa ki skum jong ki. Ki Ostrit kin shong hangta, bad ki blang khlaw kin ïaid sarong lyngba ki jingjot jingpra.

ISAÏAH 13:22

Ki mot bad ki ïingsyiem kin sawa da ki jingpah jong ki haïena bad ki myrsiang. Ka por jong ka Babilon ka la wan! Ki sngi jong ka ki la jan kut.”

ISAÏAH 16:9

Mynta nga ïam ïa ki sohwaiñ jong ka Sibmah kumba nga ïam namar ka Jaser. Ki ummat jong nga ki hap na ka bynta ka Heshbon bad ka Elealeh, namar ym don kano kano ka jingkheit soh kaba pynkmen ïa ki briew.

ISAÏAH 21:3

Kaei kaba nga la ïohi bad ïohsngew ha ka jingïohipaw ka la pyndap ïa nga da ka jingsngewtriem bad sngewpang, ka jingpang kum ka jong ka kynthei ha ka por suh kha.

ISAÏAH 22:4

Mynta to iehnoh ïa nga marwei ban ïamkthang halor kito na ki briew jong nga kiba la ïap. Wat pyrshang ban pyntngen ïa nga.

ISAÏAH 32:11

Phi la ju im suk, phim don ki jingkhuslai; hynrei mynta, to khynñiuh da ka jingsheptieng! To loit ïa la ki jaiñ bad teh da ki jaiñjot sawdong ïa la ka syngkai.

JEREMAÏAH 4:19

Ka jingpang! Ngam lah shah ïa ka jingpang! Ka dohnud jong nga! Ka dohnud jong nga ka kyndeh jur! Ngam lah ban sngap jar; nga ïohsngew ïa ki turoi bad ki jingpyrta jong ka thma.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:19

To shahshkor ïa ka jingsawa ka jingïam ha Seïon, “La pynjot ïa ngi! La pynlehrain khoit ïa ngi! Ngi dei ban iehnoh ïa ka ri jong ngi; ïa ki ïing jong ngi la pynkhyllem.”

ESEKIEL 32:18

“Ko khun u briew,” u ong, “to ïamkthang namar baroh u paidbah babun ka Ijipt. Phah ïa ki ban hiar lem bad ki jaitbynriew badonbor sha ka pyrthei kiba ïap.

MIKAH 2:4

Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

1 SAMUEL 19:24

U loit noh ïa la ki jaiñ bad u shad bad risa ha khmat u Samuel, bad u thiah lyngkhuit ha kata ka sngi baroh shi sngi bad ha kata ka miet baroh shi miet. (Ha kane ka rukom la mih ka jingong, “Hato wat u Saul ruh u la kylla long u nongïathuhlypa?”)