MIKAH 1:7 - Khasi CL Bible (BSI)

⁷ Ïa ki bleithaw bakordor jong ka baroh yn pynpait lyngkhot, baroh kaba la ai sha ki nuti ka templ yn pynjot ha ka ding, bad ki durblei jong ka baroh kin long ka kynton ba la shu ieh. Ka Samaria ka la lum ïa kine kiei kiei na ka bynta ki jinglehniam ba pynseisoh, bad mynta ki nongshun jong ka kin rah noh ïa ki na ka bynta ki nuti ka templ shawei pat.”

KA BAIBL

⁷ Bad ïa ki durblei jong ka baroh yn lympat lyngkhot lyngkhai, bad ïa ki nong jong ka baroh yn thang ha ding, bad ïa ki bleithaw jong ka baroh ngan ai ban pynjot noh: naba ka la lum ïa ki, na ka nong jong ka nuti, bad sha ka nong jong ka nuti kin phai pat.”

MIKAH 1:7 ပူးပေါင်းရင်းမြစ်များ

2 KHRONIKL 31:1

Hadien ba ka Jingkhawai Niam ka la kut, baroh ki paid Israel ki leit sha kawei pa kawei ka nongbah ha Judah bad ki pynpra ïa ki rishot maw, ki pyndkut ïa ki dur ka blei Asherah, bad ki pynjot ïa ki duwan bad ki jaka mane blei thala. Ki leh ïa kajuh ha baroh ki bynta basah jong ka Judah, bad ïa ki ri jong ki Benjamin, Ephraim bad Manasseh; nangta baroh na ki, ki leit phai sha ïing.

ISAÏAH 23:17

Haba ki hynñiewphew snem ki la kut, U Trai un sa shah ïa ka Tyros ban leit phai pat sha ka kam khaïi kaba mynshuwa, bad kan aiwai ïa lade sha baroh ki hima jong ka pyrthei.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

ESEKIEL 6:6

Ïa baroh ki nongbah ka Israel yn pynjot noh, kumta ba ïa ki duwan jong ki bad ki bleithaw jong ki yn pynpait lyngkhot lyngkhai, ïa ki duwan jingiwbih jong ki yn pynpra lyngkhot lyngkhai, bad ïa ki jingtei jong ki baroh yn sa pynjot noh.

HOSIA 2:12

Ngan pynjulor ïa ki dieng sohwaiñ bad ki diengsoh Dumbur jong ka, kiba ka ju ong ba kiba ieit jong ka ki ai ïa ka namar ba ka la shakri ïa ki. Ngan pynkylla ri khlaw ïa ki bri sohwaiñ bad ki brisoh jong ka; ki mradkhlaw kin pynjot ïa ki.

HOSIA 2:14

Te ngan leit ïalam biang ïa ka sha ri shyiap; hangta ngan khroh biang ïa ka da ki ktien ieit.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 8:5

Nga isih ïa u masi ksiar ba mane da ki briew jong ka nongbah Samaria. Nga bitar lep ïa ki. Sa katno kan shim por shuwa ba kin sangeh noh na kaba mane bleithaw?

HOSIA 8:6

U nongsaiñdur na Israel uba la thaw ïa u bleithaw, bad um dei satia u blei! Ïa u khun masi ksiar ba mane ha Samaria yn sa pynpait lyngkhot lyngkhai.

JOEL 3:3

Ki la kynting sbai ban rai mano ki ban ïoh ïa ki koidi. Ki la die mraw ïa ki khynnah shynrang bad khynnah kynthei ban siew na ka bynta ki nuti bad ka waiñ.

LEBITIKOS 26:30

Ngan pynjot ïa ki jaka mane blei jong phi kiba ha ki lum, ngan pynpra ïa ki duwan thang jingiwbih jong phi, bad ngan bret ïa ki metïap jong phi halor ki bleithaw jong phi kiba la kyllon.

DEUTERONOMI 23:18

Nalor kata, ym dei ban wanrah ïa ka kamai nuti, la ka dei ka jong u shynrang ne ka kynthei, sha ka ïing U Trai U Blei jong phi kum ka jingpyndep ïa kano kano ka jingsmai, namar U Trai u isih ïa ki nuti ha ka jaka mane blei.

DEUTERONOMI 9:21

Nga shim ïa kata kaei kaei kaba long hi ka pop — kata ka dur khun masi keiñ kaba phi la thaw bad nga bret ïa ka ha ka ding. Nangta nga pynpait pharia ïa ka, nga tylliat ni ïa ka haduh ba kan da long kum u pui pui, bad nga bret ïa kata ha ka wah kaba tuid na uta u lum.

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”

JINGPYNPAW 18:9

Ki syiem jong ka pyrthei kiba la ïashim bynta ha ka jingawria bad ka jingkwah brai jong ka kin lynñiar bad ïam na ka bynta ka nongbah haba ki ïohi ïa ka tdem na ki thylliej ding kiba bam duh ïa ka.

1 SAMUEL 5:4

Kum la shai dang step phyrngab ki ïohi ba u mot u la kyllon biang ha khmat ka Synduk ka Jutang. Ha kane ka sien ka khlieh bad ki kti jong u baroh ar tylli ki la dkut bad ki don hamar ka jingkhang; sah sa tang ka met.