MIKAH 1:6 - Khasi CL Bible (BSI)

⁶ Kumta U Trai u ong, “Ngan pynlong ïa ka Samaria ka kynton ñiut ha rudnong, ka jaka ban thung ïa ki dieng sohwaiñ. Ngan theh noh ïa ka jakhlia jong ka nongbah sha ka jaka them, bad ngan pynpaw shabar tang ïa ki maw nongrim jong ka nongbah.

KA BAIBL

⁶ “Namar kata, ngan pynlong ïa ka Samaria kum ka kynton ha lyngkha, kum ka khyndew ba la sboh ïa ka brisoh Waiñ: bad ngan theh noh arsut ïa ki maw jong ka sha ka them, bad ngan pynpaw ïa ki nongrim jong ka.

MIKAH 1:6 ပူးပေါင်းရင်းမြစ်များ

2 SAMUEL 17:13

Lada u kynran dien sha ka nongbah, ki briew jong ngi baroh kin wallam ïa ki tyllai bad kin shu tan ïa ka nongbah shapoh ka them. Yn ym don uwei ruh u maw ïa uba yn iehnoh ha kliar lum.”

2 SYIEM 18:10

Ha ka snem kaba lai jong ka jingshah kerkut, ka Samaria ka kyllon; kane ka dei ka snem kaba hynriew jong ka jingsynshar u Hesekaïah, bad ka snem kaba khyndai jong ka jingsynshar u Hoshea.

2 SYIEM 18:9

Ha ka snem kaba saw jong ka jingsynshar u Hesekaïah — kaba long ka snem kaba hynñiew jong ka jingsynshar u Syiem Hoshea ha Israel — u Shalmaneser u patsha ka Assyria u tur ïaleh ïa ka Israel bad kerkut ïa ka Samaria.

2 SYIEM 19:25

“Hato mem shym la ïohsngew ba nga la thmu ïa kine baroh la slem bah? Bad mynta nga la pyndep ïa ki. Nga la ai ha me ïa ka bor bad pynkylla ïa ki nongbah ba la kerkut sha ki kynton maw ba la twa.

ISAÏAH 17:1

U Trai u la ong, “Ka Damaskos kan ym long shuh ka nongbah; kan long tang ka thup ki jingjot jingpra.

ISAÏAH 25:12

Un pynjot ïa ki kut jong ki Moab bad ïa ki kynroh bajrong jong ki bad pynhap ïa ki shapoh khyndew.

ISAÏAH 25:2

Me la pynjot ïa ki nongbah bad pynpra ïa ki jingtei-kut. Ki ïingsyiem kiba ki nongshun jong ngi ki la tei ki la jah noh junom.

JEREMAÏAH 31:5

Sa shisien pat phin thung ki dieng sohwaiñ ha ki lum ka Samaria, bad kito kiba thung ïa ki kin ïoh bam ïa kaei kaba ki bri sohwaiñ kin pynmih.

JEREMAÏAH 51:25

Ko Babilonia pha long kum u lumbah uba pynjot ïa ka pyrthei baroh kawei, hynrei ma nga, U Trai, nga long u nongshun jong pha. Ngan shim noh ïa pha, pynmadan ïa pha ha ka khyndew, bad ieh ïa pha ha u dpei.

JEREMAÏAH 51:37

Kata ka ri kan long kum ka kynton ñiut ha kaba ki mradkhlaw ki im. Kan long kaba shyrkhei ban peit; yn ym don mano mano ban sah hangta, bad baroh kiba ïohi ïa ka kin sngewshyrkhei.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 4:1

Ka ksiar baphyrnai jong ngi ka la jngut; ki maw jong ka Templ ki don ha ka jingsaphred ha ki lynti bah.

ESEKIEL 13:14

Nga thmu ban pynkhyllem ïa ka kynroh ba la pushara lieh, ban pynkhynñiuh ïa ka, bad ban pynpaw shabar ïa ki maw nongrim. Kan khyllem bad pynïap ïa phi baroh. Te uwei uwei baroh un tip ba nga long U Trai.

HOSIA 13:16

Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

HABAKKUK 3:13

Me mihnoh ban pyllait ïa la ki briew, ban pyllait ïa u syiem ba la jied jong me. Me pynkyllon ïa u nongïalam jong ki bymman bad pynjot thiaw ïa ki nongbud jong u.

MATHAÏOS 24:2

“Ho-oid,” u la ong, “phi lah ban khmih ïa kine baroh. Nga ong ha phi ïa kane: Yn ym don uwei u maw hangne u ban dang neh ha la ka jaka; uwei pa uwei na ki un shah pynhap.”