MIKAH 1:3 - Khasi CL Bible (BSI)

³ U Trai u wan mih na ka jaka bakhuid jong u; un wan hiar bad ïaid ha kliar jong ki lumbah.

KA BAIBL

³ Naba, ha khmih, U Trai u wan mih noh na la ka jaka, bad un wan hiar, bad un ïuh halor ki jaka jrong jong ka khyndew.

MIKAH 1:3 ပူးပေါင်းရင်းမြစ်များ

Ka Kitab U Job 40:12

Ho-oid, to khmih ïa ki bad to pynhiar ïa ki; pynlwet ïa ki bymman ha ka jaka kaba ki ïeng.

SALM 115:3

U Blei jong ngi u don ha bneng; u leh ïa kano kano kaba u mon.

ISAÏAH 25:10

U Trai un ïada ïa u Lum Seïon, hynrei ki briew jong ka Moab kin shah ïuhroit, kumba ïa u phlangïap la ïuh haba shna sboh.

ISAÏAH 26:21

U Trai u wan na ka jaka shong jong u na bneng ban pynshitom ïa ki briew jong ka pyrthei namar ki pop jong ki. Ki jingpynïap briew ha ka pyrthei ïa kiba la leh ha kaba rieh, yn pynpaw, bad ka khyndew kan ym lah shuh ban buhrieh ïa kito ïa kiba la pynïap.

ESEKIEL 3:12

Te U Mynsiem jong U Blei u la rah joit ïa nga, bad nga la ïohsngew na shadien jong nga ïa ka jingsawa jam jong ka sur kaba ong, “To ïaroh ïa ka burom U Trai ha bneng shajrong!”

AMOS 4:13

U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!

AMOS 9:5

U Trai Nongsynshar Badonbor Baroh u ktah ïa ka pyrthei, bad ka khynñiuh baroh kiba shong ha ka ki ïambriew, ka pyrthei baroh kawei ka kiew ka hiar kum ka wah Nile.

HABAKKUK 3:19

U Trai Nongsynshar u ai ha nga ka jingkhlaiñ. U pynlong ïa nga uba skhem ki kjat kum ka skei bad u sumar ïa nga halor ki lumbah.

SEKHARAÏAH 14:4

Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

DEUTERONOMI 32:13

“U ai ba kin synshar ïa ki ri lum, bad ki bam ïa ki jingmih na ki lyngkha. Hapdeng ki mawsiang ki lap ïa ka ngap; ki diengsoh Olib jong ki, ki san ki plung ha ki jaka maw.

DEUTERONOMI 33:29

Suk shisha ma pha, ko Israel! ym don kaba kum ma pha, ka jaitbynriew ba la pyllait im da U Trai. U Trai hi u long ka stieh bad ka waitlam jong pha, ban ïada ïa pha bad ai ha pha ka jingjop. Ki nongshun jong pha kin wan dem wan nguh ïa pha, bad phan sa ïuhroit ïa ki.