MIKAH 1:11 - Khasi CL Bible (BSI)

¹¹ Phi ki briew ka Shaphir, leit shah ringmraw, ha ka jinglyngkhuit bad jinglehrain. Kito kiba shong ha Saanan kim nud ban mih shabar na ka nongbah jong ki. Haba phi ïohsngew ïa ki briew jong ka Bethesel ki ïambriew, phin tip ba ym don jakarieh hangta.

KA BAIBL

¹¹ To nang ïaid noh, ko nong Shaphir, ha ka jinglyngkhuit bad ka jinglehrain: ka nong Saanan kam shym mih noh: ka jinglynñiar ka Beth-esel kan pynduh noh na phi ïa ka jingïarap jong ka.

MIKAH 1:11 ပူးပေါင်းရင်းမြစ်များ

ISAÏAH 16:2

Ki ap ha ki rudwah jong ka wah Arnon bad ki ïaid khlem jingmut shane shatai, kum ki sim kiba la shah beh noh na ki skum jong ki.

ISAÏAH 20:4

U patsha jong ka Assyria un ïalam lyngkhuit ïa ki koidi kiba u la kem na kito ki ar tylli ki ri. Kiba samla bad kiba tymmen, kin ïaid da ka kjat suda bad lyngkhuit, bad ki rain jong ki ba khlem tap, kaba wanrah ka jinglehrain halor ka Ijipt.

JEREMAÏAH 13:22

Lada pha kylli balei kane baroh ka la jia ha pha — balei ba ki jaiñ jong pha ki la kad noh bad pha la shah batbor — ka dei namar ba ka pop jong pha ka long kaba shyrkhei.

JEREMAÏAH 48:6

‘Pynkloi, phet ban lait im!’ ki ong. ‘Mareh kum u kada khlaw ka ri shyiap!’

JEREMAÏAH 48:9

To buh ïa u maw jingtep na ka bynta ka Moab; shen yn pynjot ïa ka. Ïa ki shnong jong ka yn ieh ha ka jingjot, bad yn ym don shuh uwei ruh u ban shong ban sah pat hangta.”

ESEKIEL 16:37

Namar kane ngan wallam lang ïa baroh ki nongleh-ieit jong pha kiba mynshuwa — kito kiba pha la sngewtynnat bad kito kiba pha la isih. Ngan wallam ïa ki sawdong jong pha ha ka jylli, bad nangta ngan law ïa ki jaiñ jong pha bad shah ïa ki ban ïohi ba pha lyngkhuit.

ESEKIEL 23:29

Bad namar ba ki isih ïa pha, kin shim noh ïa kiei kiei baroh kiba pha la trei na ka bynta kita bad kin ieh lyngkhuit bad thad ïa pha kum ka nuti. Ka jingkwah brai bad ka jingleh nuti jong pha ki la wanrah ïa kane ha pha.

MIKAH 1:8

Nangta u Mikah u la ong, “Namar kane ngan ïambriew bad ïam sngewsih. Ban pynpaw ïa ka jingsngewsih jong nga, ngan ïaid da ka kjat suda bad khlem jaiñkup. Ngan jlew kum u myrsiang, bad ngan ud kum ka ostrit.

NAHUM 3:5

U Trai Badonbor Baroh u ong, “Ngan pynshitom ïa pha, ko Ninebeh! ngan sloit lyngkhuit ïa pha bad ngan shah ïa ki jaitbynriew ban ïohi ïa pha, ban ïohi ïa pha ha ka jinglehrain jong pha baroh.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

JOSHUA 15:37

Don ruh ka Senan, ka Hadashah, ka Migdalgad,