MIKAH 1:1 - Khasi CL Bible (BSI)

¹ Ha ka por ba u Jotham, u Ahas, bad u Hesekaïah ki la long ki syiem ka Judah, U Trai u la ai ïa kane ka khubor ha u Mikah, uba na ka shnong Moresheth. U Trai u la pynpaw ha u Mikah ïa kine kiei kiei baroh shaphang ka Samaria bad ka Jerusalem.

KA BAIBL

¹ Ka ktien U Trai kaba la wan ha u Mikah u nong Morasht ha ki sngi u Jotham, u Ahas, bad u Hesekaïah, ki syiem ka Judah, kaba u la ïohi shaphang ka Samaria bad ka Jerusalem.

MIKAH 1:1 ပူးပေါင်းရင်းမြစ်များ

2 SYIEM 15:32

Ha ka snem kaba ar jong ka jingsynshar u Pekah u khun jong u Remalaïah kum u syiem ka Israel, u Jotham u khun jong u Ussaïah u long u syiem ka Judah

2 SYIEM 15:5

U Trai u shoh ïa u Ussaïah da ka jingpang sniehdoh kaba shyrkhei kaba la sah bad u shi lynter ka jingim jong u. U sah hi marwei ha la ka jong ka ïing, la pyllait ïa u na ki kamram baroh, katba u Jotham u khun jong u, u pynïaid ïa ka hima.

2 SYIEM 16:1

Ha ka snem kaba khathynñiew jong ka jingsynshar u Pekah u khun jong u Remalaïah kum u syiem ka Israel, u Ahas u khun jong u Jotham u long u syiem ka Judah ha ka rta kaba arphew snem, bad u synshar ha Jerusalem khathynriew snem.

2 SYIEM 18:1

Ha ka snem kaba lai jong ka jingsynshar u Hoshea u khun jong u Elah kum u syiem ka Israel, u Hesekaïah u khun jong u Ahas u long u syiem ka Judah

2 KHRONIKL 28:1

U Ahas u long syiem haba u la dap arphew snem ka rta, bad u synshar khathynriew snem ha Jerusalem. Um shym la bud ïa ka nuksa babha jong u kpa tymmen jong u, u syiem Dabid; pynban u la leh ïa kaei ka bym pynsngewbha ïa U Trai bad u la bud ïa ka jingleh jong ki syiem Israel.

2 KHRONIKL 29:1

U Hesekaïah u la long u Syiem ka Judah haba u la don arphew san snem ka rta, bad u synshar arphew khyndai snem ha Jerusalem. Ka kmie jong u ka dei ka Abijah, ka khun u Sekharaïah.

ISAÏAH 1:1

Kane ka kitab ka don ki khubor shaphang ka Judah bad ka Jerusalem kaba U Blei u la pynpaw ha u Isaïah u khun jong u Amos ha ka por ha kaba u Ussaïah, u Jotham, u Ahas bad u Hesekaïah ki long ki syiem ka Judah.

ISAÏAH 1:2

U Trai u ong, “Ko ka pyrthei bad ka sahit bneng, shahshkor ïa kaei kaba nga ong! Ki khun kiba nga la pynheh pynsan ki la ïeng ïaleh pyrshah.

ISAÏAH 7:1

Haba u Syiem Ahas, u khun jong u Jotham bad u ksiew jong u Ussaïah, u synshar ïa ka Judah, la khie ka thma. U Resin, u syiem ka Syria, bad u Pekah u khun jong u Remalaïah, u syiem ka Israel, ki tur ïaleh ïa ka Jerusalem, hynrei kim shym lah ban kurup ïa ka.

ISAÏAH 7:9

Ka Israel kam long kaba kham khlaiñ ban ïa ka Samaria, ka nongbah jong ka, bad ka Samaria kam long kaba kham khlaiñ ban ïa u Syiem Pekah. “Lada ka jingngeit jong phi kam long kaba ïaineh, phin ym ïaineh.”

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

HOSIA 1:1

Kane ka long ka khubor ba U Trai u la ai ha u Hosia u khun jong u Beri, ha ki sngi mynba u Ussaïah, u Jotham, u Ahas, bad u Hesekaïah ki long ki syiem ha Judah, bad u Jeroboam u khun jong u Joash u long syiem ha Israel.

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

HOSIA 8:14

“Ki paid Israel ki la tei ïa ki ïingsyiem, hynrei ki la klet ïa la U Nongthaw. Ki paid Judah ki la tei ïa ki nongbah ba la ker kynroh. Hynrei ngan phah da ka ding ka ban thang duh ïa ki ïingsyiem bad ki nongbah jong ki.”

AMOS 1:1

Kine ki long ki ktien u Amos, u nongaplangbrot na ka shnong Tekoa. Ar snem shuwa u jumai, mynba u Ussaïah u long u syiem ka Judah, bad u Jeroboam u khun jong u Joash u long u syiem ka Israel, U Blei u la pynpaw ha u Amos ïa kine kiei kiei baroh shaphang ki Israel.

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

MIKAH 1:5

Kane baroh kan jia namar ba ki paid Israel ki la leh pop bad ïaleh pyrshah ïa U Blei. Ïano yn kynnoh na ka bynta ka jingïaleh pyrshah ki Israel? Ka Samaria hi, ka nongbah! Mano ba shah kynnoh ïa ka jingmane bleithaw ha Judah? Ka Jerusalem hi!

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

HABAKKUK 1:1

Kane ka long ka khubor ba U Blei u la pynpaw ha u Habakkuk u nongïathuhlypa.

2 PETROS 1:21

Naba ym don khubor jingïathuhlypa kaba la ju wan tang na ka mon u briew, hynrei ki briew ki la long hapoh ka jingpynïaid jong U Mynsiem Bakhuid katba ki dang kren ïa ka khubor kaba la wan na U Blei.