MATHAÏOS 9:22 - Khasi CL Bible (BSI)

²² U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

KA BAIBL

²² U Jisu te haba u la phai, bad u la ïohi ïa ka, u la ong, “To kyrmen, ko ka khun; ka jingngeit jong pha ka la pynkhiah ïa pha.” Kata ka kynthei te ka la khiah naduh kata ka por.

MATHAÏOS 9:22 ပူးပေါင်းရင်းမြစ်များ

MATHAÏOS 15:28

Kumta U Jisu u la jubab ïa ka, “Pha long ka briew kaba khraw ka jingngeit! Ïa kaei kaba pha kwah yn leh na ka bynta jong pha.” Bad ha kata ka khyllipmat la pynkhiah ïa ka khun jong ka.

MATHAÏOS 17:18

U Jisu u la hukum ïa u ksuid, bad u la mihnoh shabar jong u khynnah, bad ha kata ka khyllipmat la pynkhiah ïa u.

MATHAÏOS 8:13

Nangta U Jisu u la ong ha u rangbah pynïaidkam, “Khie leit noh sha ïing, bad ïa kaei kaba me ngeit yn sa leh na ka bynta jong me.” Bad ïa u shakri jong u rangbah pynïaidkam la pynkhiah ha kata hi ka khyllipmat.

MATHAÏOS 9:2

ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

MATHAÏOS 9:29

Nangta U Jisu u la ktah ïa ki khmat jong ki bad u la ong, “Ai ba kan jia long, te, kumba phi ngeit!” —

MARKOS 10:52

“Khie leit,” U Jisu u ong ïa u, “ka jingngeit jong me ka la pynkhiah ïa me.” Mar kumta hi u la lah ban ïohi bad u la bud ïa U Jisu ha ka lynti.

MARKOS 5:34

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk, bad to long kaba la khiah na ka jingshitom jong pha.”

LOUKAS 17:19

Bad U Jisu u la ong ha u, “To khie joit bad leit; ka jingngeit jong me ka la pynkhiah ïa me.”

LOUKAS 18:42

U Jisu u la ong ha u, “Te, to peit! Ka jingngeit jong me ka la pynkhiah ïa me.”

LOUKAS 7:50

Hynrei U Jisu u la ong ha kata ka briew, “Ka jingngeit jong pha ka la pynim ïa pha; khie leit ha kaba suk.”

LOUKAS 8:48

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk.”

ÏOANNIS 4:53

Te u kpa u la kynmaw ba ha kata hi ka kynta mynba U Jisu u la ong ïa u, “U khun jong me un im.” Kumta ma u bad ka longïing jong u baroh ki la ngeit.

KI KAM 14:9

U la shong hangta bad u la pynshahshkor ïa ki ktien jong u Paul. U Paul u la ïohi ba u la ngeit bad ba u lah ban ïohkhiah, kumta u la khmih shlip sha u bad u la ong ha ka sur kaba jam,

KI KAM 16:18

Ka la leh ïa kane bun sngi, haduh ba u Paul u la sngew salia eh ba u la phai sawdong bad u la ong ha uta u mynsiem bymman, “Ha ka kyrteng jong U Jisu Khrist nga hukum ïa me ban mihnoh na ka!” Uta u mynsiem bymman u la mihnoh na ka ha kata hi ka khyllipmat.

HEBRU 4:2

Naba ngi la ïohsngew ïa ka Khubor Babha, kumba ma ki ruh ki la ïohsngew. Ki la ïohsngew ïa ka khubor, hynrei kam shym la myntoi ei ei ruh ïa ki, namar haba ki la ïohsngew ïa ka, kim shym la pdiang ïa ka da ka jingngeit.