MATHAÏOS 9:15 - Khasi CL Bible (BSI)

¹⁵ U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

KA BAIBL

¹⁵ U Jisu te u la ïathuh ha ki, “Ki nong-on kurim ki lah ban sngewsih, haba u dang sah bad ki u nongleit-kurim? Hynrei, kin poi ki sngi, ynda yn shim noh na ki, ïa u nongleit-kurim, hangta te kin sa ïashah jingit.

MATHAÏOS 9:15 ပူးပေါင်းရင်းမြစ်များ

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

MATHAÏOS 9:14

Nangta ki nongbud jong U Ïoannis u Nongpynbaptis ki la wan sha U Jisu, ki da kylli, “Balei ba ma ngi bad ki Pharisi ngi shahjingit bunsien, hynrei ki synran jong me kim ju shahjingit da lei lei?”

MATHAÏOS 9:16

“Ym don mano mano ba syrdep ïa ka jaiñkup kaba rim da ka lyngkhot jaiñ kaba thymmai, naba kata ka syrdep bathymmai kan ran bad kan pynlong ka thliew kaba kham heh ha ka jaiñkup.

MARKOS 2:19

U Jisu u la jubab, “Hato phi khmih lynti ba ki nongshahkhot sngewbha ha ka jingshongkurim ban leit khlem jingbam? Ym kumta! Katba u nongleitkurim u don ryngkat bad ki, kin ym shahthngan.

MARKOS 2:20

Hynrei ka sngi kan poi haba ïa u nongleitkurim yn shim noh na ki, te kin sa shahjingit.

LOUKAS 17:22

Nangta u la ong ha ki synran, “Ka por kan poi ha kaba phin kwah ban ïohi ïa kawei na ki sngi jong U Khun U Briew, hynrei phin ym ïohi ïa ka.

LOUKAS 5:34

U Jisu u la jubab, “Hato phi pyrkhat ba phi lah ban pynlong ïa kiba shah khot sngewbha sha ka jingkhawai shongkurim ban leit noh khlem bam katba u nongleitkurim u dang don bad ki? Da shisha em!

LOUKAS 5:35

Hynrei ka sngi kan poi haba ïa u nongleitkurim yn shim noh na ki, bad kumta kin sa shahjingit.”

ÏOANNIS 16:6

Bad mynta ba nga la ïathuh ïa phi, ki dohnud jong phi ki la dap da ka jingsngewsih.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

KI KAM 14:23

Ha kawei pa kawei ka balang ki la thung ïa ki nongsharai balang, bad da ki jingduwai bad ka jingshah jingit ki la aiti ïa ki sha U Trai, ha uba ki la buh ïa la ka jingshaniah.

1 KORINTH 7:5

Wat ju kyrngah iwei ïa iwei pat, lait noh tang haba phi la ïamynjur shuwa ban leh kumta shipor khnang ba phi lah ban pynlut ïa ka por jong phi ha ka jingduwai; hynrei nangta ban phai biang sha ka jingïadei para ma phi. Ha kane ka rukom yn ïada ïa phi na ki jingpynshoi jong u Soitan namar ka jingbymlah jong phi ban synshar ïa lade.

2 KORINTH 11:27

Nga la thait na ka jingtrei shitom; bunsien ngam ju ïohthiah; nga la thngan bad sliang; bunsien ngam shym la don ka jingbam kaba biang, ka jakarieh, lane khlem jaiñkup.

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.