MATHAÏOS 9:14 - Khasi CL Bible (BSI)

¹⁴ Nangta ki nongbud jong U Ïoannis u Nongpynbaptis ki la wan sha U Jisu, ki da kylli, “Balei ba ma ngi bad ki Pharisi ngi shahjingit bunsien, hynrei ki synran jong me kim ju shahjingit da lei lei?”

KA BAIBL

¹⁴ Ynda kumta, ki la ïawan ha u ki synran u Ïoannis, ki da ong, “Balei ba ngi bad ki Pharisi ngi ïashah jingit bunsien, ki synran jong me te kim ïashah jingit?”

MATHAÏOS 9:14 ပူးပေါင်းရင်းမြစ်များ

PROBERB 20:6

Baroh ki kren shaphang katno u long uba kohnguh bad baïaineh, hynrei shu pyrshang ban wad ïa uno uno uba long kumta!

MATHAÏOS 11:2

Haba u Ïoannis u Nongpynbaptis u la ïohsngew hapoh ïingbyndi shaphang kiei kiei kiba U Khrist u la leh, u la phah sha u katto katne ngut na ki synran jong u.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 9:15

U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

ÏOANNIS 3:25

Katto katne ngut na ki synran jong u Ïoannis ki la sdang ban ïatainia bad u Jiw shaphang ki bynta ba ïadei bad ka jinglehniam ka jingpynkhuid.

ÏOANNIS 4:1

Ki Pharisi ki la ïohsngew ba U Jisu u la nang ïoh kham bun ki synran bad u la nang pynbaptis kham bun ban ïa u Ïoannis.