MATHAÏOS 9:13 - Khasi CL Bible (BSI)

¹³ Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

KA BAIBL

¹³ hynrei, khie leit ma phi to hikai kaei kane, ‘Ïa ka jingisynei nga mon, te ym ïa ka jingkñia:’ naba ngam shym la wan ban khot ïa ki bahok, hynrei, ïa ki bapop ïa ka ban kylla-ka-bamut.”

MATHAÏOS 9:13 ပူးပေါင်းရင်းမြစ်များ

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

MATHAÏOS 12:3

U Jisu u la jubab, “Phim pat ju pule ïa kaei kaba u Dabid u la leh ha kata ka por mynba ma u bad ki rangbah jong u ki la thngan?

MATHAÏOS 12:5

Lane phim pat ju pule ha ka Hukum u Moses ba man la ka sngi Sabbaton ki lyngdoh hapoh ka Templ ki pynkheiñ shisha ïa ka aiñ sngi Sabbaton, pynban kim shah pynrem?

MATHAÏOS 12:7

Ka Jingthoh Bakhuid ka ong, ‘Dei ka jingbhasbun kaba nga kwah, ym ïa ka jingkñia ïa ki mrad.’ Lada phi la tip kaei ka jingmut jong kane, phin ym da la pynrem ïa ki briew ki bym shym shah pynrem;

MATHAÏOS 19:4

U Jisu u la jubab, “Hato phim pat pule ïa ka Jingthoh Bakhuid kaba ong ba ha kaba mynnyngkong U Nongthaw u la thaw ïa ki briew, shynrang bad kynthei?

MATHAÏOS 21:42

U Jisu u la ong ha ki, “Hato phim pat ju pule ïa kaei ba ki Jingthoh Bakhuid ki ong? “ ‘Ïa u maw ba ki nongtei ki la kyntait kum u bymdondor u la kylla long uba donkam tam na baroh. Ïa kane la leh da U Trai; katno ka long kaba itynnat!’ ”

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 3:8

To leh ïa kito kiei kiei ki ban pyn-i ba phi la phai noh na ki pop jong phi.

MATHAÏOS 4:17

Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

MARKOS 12:26

Mynta, na ka bynta kita kiba la ïap ki ban sa mihpat: Hato phim pat ju pule ha ka Kitab u Moses ïa ka bynta kaba dei shaphang ka 'lawlynnong kaba ing? Hangto la thoh ba U Blei u la ong ïa u Moses, ‘Nga long U Blei jong u Abraham, U Blei jong u Isaak bad U Blei jong u Jakob.’

MARKOS 12:33

Bad u briew u dei ban ieit ïa U Blei da ka dohnud jong u baroh bad da ka jingmut jong u baroh bad da ka bor jong u baroh; bad u dei ban ieit ïa la u paramarjan kumba u ieit ïa lade. Ka long kaba kham donkam ban kohnguh ïa kine ki ar tylli ki hukum ban ïa kaba ai jingainguh da ki mrad bad kiwei ki jingkñia sha U Blei.”

MARKOS 2:17

U Jisu u la ïohsngew ïa ki bad u la jubab, “Ki briew kiba khiah kim donkam ïa u nongpynkhiah, hynrei tang kito kiba pang. Ngam shym la wan ban khot ïa ki briew kiba donburom, hynrei ïa kiba la shah kyntait.”

LOUKAS 10:26

U Jisu u la jubab ïa u, “Aïu ki Jingthoh Bakhuid ki ong? Kumno me batai ïa ki?”

LOUKAS 19:10

U Khun U Briew u la wan ban wad bad ban pynim ïa kiba la jah noh.”

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

LOUKAS 5:31

U Jisu u la jubab ïa ki, “Ki briew kiba khiah kim donkam ïa u nongpynkhiah, hynrei tang kito kiba pang.

LOUKAS 5:32

Ngam shym la wan ban khot ïa ki riewdonburom ban kylla-kaba-mut, hynrei ïa kiba la shah kyntait.”

ÏOANNIS 10:34

U Jisu u la jubab, “La thoh ha ka hukum jong phi hi ba U Blei u la ong, ‘Phi long ki blei.’

KI KAM 11:18

Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”

KI KAM 2:38

U Petros u la ong ha ki, “Uwei pa uwei na phi u dei ban phai noh na ki pop jong u bad ba yn pynbaptis ha ka kyrteng jong U Jisu Khrist, khnang ba yn map ïa ki pop jong phi, bad phin ïohpdiang ïa U Mynsiem Bakhuid uba long ka jingai jong U Blei.

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

KI KAM 5:31

U Blei u la kyntiew ïa u sha ka liang kamon jong u kum u Nongïalam bad u Nongpynim, ban ai ha ki paid Israel ka kabu ban kylla-kaba-mut bad ban ïoh ka jingmap ïa ki pop jong ki.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.