MATHAÏOS 9:12 - Khasi CL Bible (BSI)

¹² U Jisu u la ïohsngew ïa ki bad u la jubab, “Ki briew kiba koit bakhiah kim donkam ïa u nongsumar, hynrei tang kito kiba pang.

KA BAIBL

¹² Te haba U Jisu u la ïohsngew, u la ong ha ki, “Ki bakhiah kim donkam ïa u nongpynkhiah, hynrei, ki bapang keiñ;

MATHAÏOS 9:12 ပူးပေါင်းရင်းမြစ်များ

SALM 147:3

U pynkhiah ïa kiba la pait dohnud bad u sop spaiñ ïa ki jingmong jong ki.

SALM 41:4

Nga ong, “Nga la leh pop pyrshah ïa me, A Trai; to isynei ïa nga bad pynkhiah ïa nga.”

SALM 6:2

Nga la ringswai, A Trai; to isynei ïa nga! Pynshaitbor ïa nga; naba nga la lwait shikatdei

JEREMAÏAH 17:14

A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

MATHAÏOS 18:11

“Namar U Khun U Briew u la wan ban pynim ïa ki briew kiba la jah noh.

MARKOS 2:17

U Jisu u la ïohsngew ïa ki bad u la jubab, “Ki briew kiba khiah kim donkam ïa u nongpynkhiah, hynrei tang kito kiba pang. Ngam shym la wan ban khot ïa ki briew kiba donburom, hynrei ïa kiba la shah kyntait.”

LOUKAS 5:31

U Jisu u la jubab ïa ki, “Ki briew kiba khiah kim donkam ïa u nongpynkhiah, hynrei tang kito kiba pang.

LOUKAS 8:43

Napdeng jong ki la don ka kynthei kaba la shitom na ka jingpang mihsnam kaba jur la khat-ar snem; ka la pynlut ïa baroh kaba ka don ha ki nongsumar, hynrei ym don mano mano ba lah ban pynkhiah ïa ka.

LOUKAS 9:11

Haba ki paidbah ki la ïohsngew shaphang kata, ki la bud ïa u. U la pdiang sngewbha ïa ki, u la kren ha ki shaphang ka Hima U Blei, bad u la pynkhiah ïa kito kiba donkam ïa ka.

KOLOSSAI 4:14

U Loukas, u doktor ba-ieit jong ngi, bad u Demas ki phah ki jingai khublei ïa phi.