MATHAÏOS 8:34 - Khasi CL Bible (BSI)

³⁴ Kumta uwei uwei baroh na ka shnong ki la ïamih ban ïakynduh ïa U Jisu; bad haba ki la ïohi ïa u, ki la kyrpad ïa u ba un leit noh na ka thain jong ki.

KA BAIBL

³⁴ Ha khmih ruh, kata ka shnong baroh ka la mih ïa ka ban shem ïa U Jisu; te haba ki la ïohi ïa u, ki la ïaduwai ba un leit noh na ki phang jong ki.

MATHAÏOS 8:34 ပူးပေါင်းရင်းမြစ်များ

1 SYIEM 17:18

Ka ong ha u Elijah, “A u briew jong U Blei, balei me leh ïa kane ha nga? Hato me wan hangne ban pynkynmaw ïa U Blei ïa ki pop jong nga bad pynjia ïa ka jingïap u khun jong nga?”

1 SYIEM 18:17

Haba u Ahab u ïohi ïa u, u ong, “Me la wan — u nongthaw jingkulmar basniew tam ha Israel!”

Ka Kitab U Job 21:14

Ki bymman ki ong ïa U Blei ba un ieh ïa ki ha la ka mon jong ki; kim kwah ban tip ïa ka mon jong u ha ka jingim jong ki.

Ka Kitab U Job 22:17

Kine ki dei ki briew kiba la kyntait ïa U Blei bad kiba ngeit ba um lah ban leh ei ei ïa ki.

AMOS 7:12

Nangta u Amasaïah u ong ha u Amos, “Kata ka la biang, ko nongïathuhlypa, khie leit noh sha Judah bad leh ïa ka kam ïalap jong me hangta, bad sa ïathuhlypa de hangta. Ai ba kin siew ïa me na ka bynta kata.

MATHAÏOS 8:29

Shisyndon ki la lynñiar, “Me kwah aïu bad ngi, me U Khun jong U Blei? Hato me la wan ban pynshitom ïa ngi ha shuwa ka por kaba dei?”

LOUKAS 5:8

Haba u Simon Petros u la ïohi ïa kaei kaba lah jia, u la dem khohsiew ha khmat U Jisu bad u la ong, “Khie leit noh na nga, ko Trai! Nga long u briew uba pop!”

LOUKAS 8:28

Haba u la ïohi ïa U Jisu, u la kyang jam, u la pyndem ïa lade ha ki kjat jong u, bad u la pyrta, “Ko Jisu, U Khun jong U Blei Uba Hakhlieh Tam Eh! Me kwah aïu bad nga? Nga kyrpad ïa me, wat pynshitom ïa nga!”

KI KAM 16:39

Kumta ki la leit bad pan map na ki; nangta ki la ïalam noh ïa ki shabar jong ka byndi bad ki la kyrpad ïa ki ban mihnoh na ka nongbah.

DEUTERONOMI 5:25

Hynrei balei ngin shu ïap ei? Kata ka ding kaba ishyrkhei kan thang duh ïa ngi. Khlem pep ngin ïap lada ngi ïohsngew biang ba U Trai U Blei jong ngi u kren.

1 SAMUEL 16:4

U Samuel u leh ïa kaei kaba U Trai u la ong ha u ban leh bad u leit sha Bethlehem, ha kaba ki nongïalam jong kata ka nongbah ki wan da kaba kyiuh ban ïakynduh ïa u bad ki kylli, “Hato kane ka long ka jingwan jngoh ha ka jingsuk, ko nongïohipaw?”