MATHAÏOS 8:27 - Khasi CL Bible (BSI)

²⁷ Uwei pa uwei baroh u la sngewphylla. “U briew uba kumno une u long?” ki la ong. “Wat ki lyer bad ki jingat phyllung ki kohnguh ïa u!”

KA BAIBL

²⁷ Kita ki briew te ki la kyndit, ki ïa-ong, “Uba kumno une, ba ki lyer ruh bad ka duriaw ki ïakohnguh ïa u!”

MATHAÏOS 8:27 ပူးပေါင်းရင်းမြစ်များ

MATHAÏOS 14:33

Nangta ki synran hapoh ka lieng ki la mane ïa U Jisu. “Da shisha me long U Khun U Blei!” ki la pynbna.

MATHAÏOS 15:31

Ki paidbah ki la lyngngoh haba ki la ïohi ba ki bymnang kren ki kren, kiba khrew ki koit, kiba dkoh ki ïaid, bad kiba matlah ki ïohi, bad ki la ïaroh ïa U Blei ka Israel.

MATHAÏOS 8:10

Haba U Jisu u la ïohsngew ïa kane, u la lyngngoh bad u la ong ha ki briew kiba bud ïa u, “Nga ong ha phi, ngam pat ju shem ïano ïano ha Israel lem bad ka jingngeit kaba kum kane.

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

MATHAÏOS 8:28

Haba U Jisu u la wan sha ka thain Gadara ha kawei pat ka liang jong ka duriaw, la ïashem ïa u da ki ar ngut ki rangbah kiba la wan mih na ki krem jingtep kiba don hangta. Kine ki rangbah ki la don ki ksuid hapoh jong ki bad ki la long kiba itriem shikatdei ba ym don mano mano ba nud ban leit na kata ka lynti.

MARKOS 1:27

Ki briew baroh ki la sngewlyngngoh ba ki la sdang ban ïa-ong para ma ki, “Kaei kane? Hato ka dei ka jait jinghikai thymmai? Une u briew u don ka bor ban ai hukum ïa ki mynsiem bymkhuid, bad ki kohnguh ïa u!”

MARKOS 6:51

Nangta u la kiew halor ka lieng bad ki, bad ka lyer ka la long jai jai. Ki synran ki la sngewlyngngoh haduh katta katta,

MARKOS 7:37

Bad baroh kiba la ïohsngew ki la sngewlyngngoh shikatdei eh. “Kumno u lah ban leh ïa kiei kiei baroh!” ki la ïa-pyrta. “U lah wat ban pynlong ïa uba kyllut ban ïohsngew bad ïa u bymnang kren ban kren!”