MATHAÏOS 8:26 - Khasi CL Bible (BSI)

²⁶ “Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

KA BAIBL

²⁶ U te u la ong ha ki, “Balei ba phi long kiba sheptieng, A phi kiba rit jingngeit?” Ynda kumta, u la khie, u la sneng ïa ka lyer bad ïa ka duriaw ruh; te ka la long kaba jai jai eh.

MATHAÏOS 8:26 ပူးပေါင်းရင်းမြစ်များ

SALM 65:7

Me pynjai jai ïa ka jingkyrhuh jong ki duriaw bad ïa ka jingsawa jong ki jingat phyllung; me pynjai jai ïa ka jingkhihwin jong ki jaitbynriew.

SALM 89:9

Me synshar halor ka duriaw badonbor; me pynjai jai ïa ki jingat phyllung ba khih bitar.

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

NAHUM 1:4

U hukum ïa ka duriaw, bad ka rngad! U pynlong ïa ki wah ban tyrkhong. Ki pyntha jong ka Bashan ki swai, u lumbah Karmel u kylla bthuh, bad ki syntiew jong u Lebanon ki jlop.

HABAKKUK 3:8

Hato la dei ki wah kiba la pynlong ïa me ban bitar, A Trai! Hato la dei ka duriaw kaba la pynlong ïa me ban bitar shla? Me shong kulai halor ki lyoh; u lyoh ka 'erïong u la long ka kali ïapom jong me, mynba me la wallam jingjop ha la ki briew.

MATHAÏOS 16:8

U Jisu u la tip ïa kaei kaba ki la ïakren, kumta u la kylli ïa ki, “Balei ba phi ïakren para ma phi shaphang ka jingbymdon jingbam ei ei? Katno kaba rit ka jingngeit phi don!

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 6:30

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

MATHAÏOS 8:27

Uwei pa uwei baroh u la sngewphylla. “U briew uba kumno une u long?” ki la ong. “Wat ki lyer bad ki jingat phyllung ki kohnguh ïa u!”

LOUKAS 4:35

U Jisu u la hukum ïa u mynsiem, “Sngap jar bad mihnoh na une u briew!” U mynsiem bymkhuid u la bret ïa uta u briew sha madan ha khmat jong ki, bad u la mihnoh na u, khlem pynmynsaw ei ei ïa u.

Ka Shithi U Paul Sha Ki Nong Rom 4:20

Ka jingngeit jong u kam shym la mihnoh na u, bad um shym la artatien ïa ka jingkular U Blei; ka jingngeit jong u ka la pyndap ïa u da ka bor, bad u ai ka jingïaroh ïa U Blei.

JINGPYNPAW 10:2

U la don ïa ka kot kli barit ba la plied ha ka kti jong u. U la buh ïa ka kjat kamon jong u halor ka duriaw bad ïa ka kjat kadiang jong u halor ka khyndew,