MATHAÏOS 8:25 - Khasi CL Bible (BSI)

²⁵ Ki synran ki la ïaleit sha u bad kyrsiew ïa u. “Pyllait im ïa ngi, A Trai!” ki la ong. “Ngin sa ïap!”

KA BAIBL

²⁵ Te haba ki synran jong u ki la ïawan ha u, ki la kyrsiew ïa u, ki ïa-ong, “Ko Kynrad, to pynim ïa ngi; ngin sa ïap!”

MATHAÏOS 8:25 ပူးပေါင်းရင်းမြစ်များ

2 KHRONIKL 14:11

U Asa u duwai ha U Trai U Blei jong u, “A Trai, me lah ban ïarap ïa ka kynhun shipai kaba tlot da kaba suk kum kaba khlaiñ. Ïarap ïa ngi mynta, Ko Trai U Blei jong ngi, namar ba ngi shaniah ha me, bad ha ka kyrteng jong me ngi la mih ban ïaleh pyrshah ïa kane ka kynhun shipai kaba bun. A Trai, me long U Blei jong ngi; ym don u ban kyrmen ban jop ïa me.”

2 KHRONIKL 20:12

Me long U Blei jong ngi! Pynshitom ïa ki, naba ngim lah leh ei ei ruh em ha khmat jong kane ka kynhun shipai babun paid kaba tur ïaleh ïa ngi. Ngim tip kumno ngin leh, hynrei ngi phai sha me na ka bynta ka jingïarap.”

SALM 10:1

Balei me don jngai palat, A Trai? Balei me buhrieh ïa lade haba ngi don ha ka jynjar?

JONAH 1:6

U kapten u la shem ïa u hangta bad u ong ïa u, “Me leh aïu da kaba ïohthiah? To khie bad to duwai ha u blei jong me na ka bynta ka jingïarap. Lehse un sngewlem ïa ngi bad pyllait im ïa ngi.”

MATHAÏOS 8:2

Nangta u briew uba shitom na ka jingpang 'ñiangthohlieh u la wan sha u, u la dem khohsiew ha khmat jong u, bad u la ong, “Ko Kynrad, lada me mon, me lah ban pynlong khuid ïa nga.”

MATHAÏOS 8:24

Kynsan kynsan ka 'erïong kaba jur ka la beh halor ka duriaw, bad ka lieng ka la don ha ka jingma ban sa ngam. Hynrei U Jisu u la ïohthiah.

MATHAÏOS 9:18

Katba U Jisu u dang kren ïa kane, u rangbah synshar ki Jiw u la wan sha U, u la dem khohsiew ha khmat jong u, bad u la ong, “Ka khun jong nga ka dang shu ïap; hynrei wan ban buh ïa ki kti jong me halor jong ka, bad kan im pat.”

LOUKAS 8:24

Ki synran ki la leit sha U Jisu bad ki la kyrsiew ïa u, da kaba ong, “Kynrad, Kynrad! Ngi la jan ïap!” U Jisu u la khie joit bad u la hukum ïa ka lyer bad ïa ka um ba khie 'erïong; ki la sangeh bad ka la don ka jingjai jai kaba khraw.