MATHAÏOS 8:20 - Khasi CL Bible (BSI)

²⁰ U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

KA BAIBL

²⁰ U Jisu te u la ong ha u, “Ki myrsiang ki don ki thliew, bad ki sim bneng ki jaka rieh: hynrei, U Khun u briew um don jaka ban buh ïa la ka khlieh.”

MATHAÏOS 8:20 ပူးပေါင်းရင်းမြစ်များ

SALM 104:12

Halor ki dieng ba don hajan, ki sim ki thaw ïa ki skum jong ki bad ki rwai.

SALM 104:17

Hangta ki sim ki thaw ïa ki skum jong ki; ki thring ki shna skum ha ki dieng Kseh

SALM 109:22

Nga long uba duk bad uba kyrduh; nga mong naduh kiba jylliew eh ka dohnud jong nga.

SALM 40:17

Nga long uba tlot bad uba duk; A Trai, hynrei mem shym la klet ïa nga. Me long u nongpynim jong nga bad U Blei jong nga — to pynkloi ban ïarap ïa nga!

SALM 69:29

Hynrei nga don ha ka jingpang bad ka jingduh jingkyrmen; to kyntiew ïa nga, A Blei, bad to pynim ïa nga!

SALM 84:3

Wat ki sim ïing ki shna ïa ka skum, bad ki lyntait ki don la ka ïing, ha kaba ki buh ïa la ki khun hajan ki duwan jong me, A Trai Badonbor Baroh, u Syiem jong nga bad U Blei jong nga.

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

MATHAÏOS 12:32

Uno uno uba kren ei ei pyrshah ïa U Khun U Briew u lah ban ïoh jingmap; hynrei uno uno uba kren ei ei pyrshah ïa U Mynsiem Bakhuid un ym ïoh jingmap — mynta lane junom.

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

MATHAÏOS 12:8

namar U Khun U Briew u long U Trai jong ka Sabbaton.”

MATHAÏOS 13:37

U Jisu u la jubab, “U briew uba la bet ïa u symbai babha u long U Khun U Briew;

MATHAÏOS 16:13

U Jisu u la leit sha ka thain hajan ka shnong Kaisaria Philippi, ha kaba u la kylli ïa la ki synran, “Ki briew ki ong ba U Khun U Briew u long uei?”

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 17:9

Katba ki dang wan hiar na u lumbah, U Jisu u la hukum ïa ki, “Wat ïathuh hano hano ruh ïa kane ka jingïohipaw kaba phi la ïohi tad haduh ba ïa U Khun U Briew la pynmihpat na ka jingïap.”

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

MARKOS 8:38

Lada u briew u lehrain ïa nga bad ïa ka jinghikai jong nga ha kane ka sngi jong ka jingbymriewblei bad ka jingbymman, te U Khun U Briew un lehrain ïa u haba un wan ha ka burom jong U Kpa jong u ryngkat bad ki angel bakhuid.”

LOUKAS 12:8

“Nga pynthikna ïa phi ba uno uno uba pynbna ha kaba paw ba u long u jong nga, U Khun U Briew un leh kumjuh ïa u ha khmat ki angel jong U Blei.

LOUKAS 18:8

Nga ong ha phi, un bishar ha ka liang jong ki bad un leh kloi ïa ka. Hynrei hato U Khun U Briew un shem mo ïa ka jingngeit ha ka pyrthei haba u wan?”

LOUKAS 2:12

Bad kane ka long kaei ka ban pynshisha ïa kata ha phi: Phin shem ïa u khunlung uba la sop da ki jaiñsop bad uba thiah ha ka shyngoid.”

LOUKAS 2:16

Kumta ki la leit kloi bad ki la shem ïa ka Mari bad u Joseph bad ki la ïohi ïa u khunlung uba thiah ha ka shyngoid.

LOUKAS 2:7

Ka la kha ïa u khun nyngkong jong ka bad ka la sop ïa u da ki jaiñsop, bad ka la pynthiah ïa u ha ka shyngoid — ym shym don jaka ïa ki ha ka kamra sah.

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

LOUKAS 8:3

Ka Ïoanna, uba u Khusa u tnga jong ka u long u rangbah pynïaidkam ha ka ïingbishar jong u Herod; bad ka Susanna, bad bun kiwei pat ki kynthei kiba la pyndonkam ïa la ki jong ki jingïoh ban ïarap ïa U Jisu bad ïa ki synran jong u.

LOUKAS 9:58

U Jisu u la ong ha u, “Ki myrsiang ki don ki thliew, bad ki sim ki don ki skum, hynrei U Khun U Briew um don hangno hangno ban thiah bad pynjahthait.”

ÏOANNIS 1:51

Bad u la ong ha ki, “Nga ïathuh ha phi ïa ka jingshisha: Phin sa ïohi ïa ka bneng ba la plie bad ki angel jong U Blei ba ki ïakiew bad ïahiar ha U Khun U Briew.”

ÏOANNIS 12:34

U paidbah u la jubab, “Ka hukum jong ngi ka ïathuh ba U Messaïah un im junom. Kumno, te, me lah ban ong ba ka dei ïa U Khun U Briew ban kyntiew? Uei une U Khun U Briew?”

ÏOANNIS 13:31

Hadien ba U Judas u la mihnoh, U Jisu u la ong, “Mynta ïa ka burom U Khun U Briew la pynpaw; mynta ïa ka burom U Blei la pynpaw lyngba u.

ÏOANNIS 3:13

Bad ym don uno uno uba la ju leit kiew sha bneng lait tang U Khun U Briew, uba la wan hiar na bneng.”

ÏOANNIS 3:14

Kumba u Moses u la kyntiew ïa u 'seiñ rnong ha u dieng ha ka ri shyiap, ha kajuh ka rukom ka dei ïa U Khun U Briew ba yn kyntiew shajrong, ba uno uno uba ngeit ha u un ïoh ka jingim bymjukut.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

ÏOANNIS 6:53

U Jisu u la ong ha ki, “Nga ong ha phi ïa ka jingshisha: Lada phim bam ïa ka doh jong U Khun U Briew bad dih ïa ka snam jong u, phin ym don ïa ka jingim ha lade.

ÏOANNIS 6:62

Shu tharai, te, ba phi dei ban ïohi ïa U Khun U briew ba u leit kiew pat sha ka jaka ha kaba u la don mynshuwa.

KI KAM 7:56

“Ha khmih!” u la ong. “Nga ïohi ïa ka bneng ba la plie bad ïa U Khun U Briew ba u ïeng ha ka liang kamon jong U Blei!”

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.