MATHAÏOS 8:16 - Khasi CL Bible (BSI)

¹⁶ Haba ka janmiet ka la poi, ki briew ki la wallam sha U Jisu shibun kiba la don ki ksuid hapoh jong ki. U Jisu u la beh noh ïa ki mynsiem bymkhuid da ka ktien bad u la pynkhiah ïa baroh kiba la shitom.

KA BAIBL

¹⁶ Ynda la janmiet ruh, ki la ïawallam ha U shibun kiba shong ksuid; te U la beh noh ïa ki mynsiem da ka ktien, bad U la pynkhiah ïa ki bapang baroh:

MATHAÏOS 8:16 ပူးပေါင်းရင်းမြစ်များ

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

MATHAÏOS 12:22

Nangta katto katne ngut ki briew ki la wallam sha U Jisu ïa u briew uba la matlah bad u bymnang kren namar u la shongksuid. U Jisu u la pynkhiah ïa u briew, ba kumta u la lah ban kren bad ïohi.

MATHAÏOS 14:14

U Jisu u la hiar na ka lieng, bad haba u la ïohi ïa u paidbah babun, ïa ka dohnud jong u la pyndap da ka jingisynei ïa ki, bad u la pynkhiah ïa kito kiba la pang.

MATHAÏOS 8:15

U la ktah ïa ka kti jong ka, ka jingshit ka la iehnoh ïa ka, bad ka la khie joit bad ka la sdang ban shakri ïa u.

MATHAÏOS 8:33

Ki rangbah kiba ap ïa ki sniang ki la phet noh bad ki la leit shapoh ka shnong, ha kaba ki la ïathuh ïa ka jingjia baroh kawei bad ïa kaei kaba la jia ha ki rangbah kiba shongksuid.

MATHAÏOS 9:2

ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

MARKOS 2:3

haba saw ngut ki rangbah ki la poi, ki da rah ïa u briew uba pang ïapshiliang sha U Jisu.

MARKOS 5:8

(U la ong ïa kane namar U Jisu u la ong, “Me u mynsiem bymkhuid, mihnoh na une u briew!”)

MARKOS 9:25

U Jisu u la ïohi ba u paidbah u la nang kyntur ïa ki, kumta u la hukum ïa u mynsiem bymkhuid. “Mynsiem bakyllut bad bymnang kren,” u la ong, “Nga hukum ïa me ban mihnoh na u khynnah bad wat ju rung shuh hapoh jong u!”

LOUKAS 13:12

Haba U Jisu u la ïohi ïa ka, u la pyrta ïa ka, “Ko ka briew, pha la lait phar na ka jingpang jong pha!”

LOUKAS 4:40

Hadien ba la sep ka sngi, baroh kiba don ki paralok kiba pang na ki jait jingpang kiba pher bapher, ki la wallam ïa ki sha U Jisu; u la buh ïa la ki kti halor uwei pa uwei bad u la pynkhiah ïa ki baroh.

LOUKAS 4:41

Ki ksuid ruh ki la mihnoh na kiba bun ki briew, ki da lynñiar, “Me long U Khun jong U Blei!” U Jisu u la hukum ïa ki ksuid bad um shah ïa ki ban kren, namar ba ki la ithuh ba u la long U Messaïah.

KI KAM 5:15

Kaba mih na kaei ba ki apostol ki la leh, ka long ba ïa ki briew kiba pang la rah sha ki lynti bah bad la buh ha ki jingthiah bad ki shylliah khang ba la kumno kumno ka syrngiew jong u Petros kan dei ha ki katto katne ngut na ki katba u dang ïaid najan.