MATHAÏOS 8:14 - Khasi CL Bible (BSI)

¹⁴ U Jisu u la leit sha ka ïing jong u Petros bad hangta u la ïohi ïa ka kiaw kurim u Petros ba ka thiah pang lem bad ka jingshit.

KA BAIBL

¹⁴ Haba U Jisu u la wan ha ka ïing u Petros, U la ïohi ïa ka syngken kurim jong u ba ka da thiah, bad ba ka da khieshoh.

MATHAÏOS 8:14 ပူးပေါင်းရင်းမြစ်များ

MATHAÏOS 17:25

“Ho-oid shisha,” u Petros u la jubab. Haba u Petros u la rung shapoh ïing, U Jisu u la kren nyngkong, “Ko Simon, kaei ka jingpyrkhat jong me? Mano ba siew ïa ki bai khrong lane ki khajna sha ki syiem jong kane ka pyrthei? Ki traishnong jong ka ri ne ki nongwei?”

MATHAÏOS 8:15

U la ktah ïa ka kti jong ka, ka jingshit ka la iehnoh ïa ka, bad ka la khie joit bad ka la sdang ban shakri ïa u.

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

1 KORINTH 9:5

Hato ngam don hok ban bud ïa ki nuksa jong kiwei pat ki apostol bad jong ki para jong U Trai bad u Petros, da kaba ïalam ïa ka tnga kaba long ka parabangeit ha ki jingleit lynti jong nga?

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 4:3

Kiba kum kita ki briew ki hikai ba ka long ka bym dei ban shongkurim bad ban bam kyndiah ïa ki katto katne ki jait jingbam. Hynrei U Blei u la thaw ïa kito ki jingbam ban bam, hadien ka jingduwai sngewnguh, da kito kiba long kiba ngeit bad kiba la tip ïa ka jingshisha.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.