MATHAÏOS 8:13 - Khasi CL Bible (BSI)

¹³ Nangta U Jisu u la ong ha u rangbah pynïaidkam, “Khie leit noh sha ïing, bad ïa kaei kaba me ngeit yn sa leh na ka bynta jong me.” Bad ïa u shakri jong u rangbah pynïaidkam la pynkhiah ha kata hi ka khyllipmat.

KA BAIBL

¹³ Bad U Jisu u la ong ha uta u rangbah shispah, “To khie leit noh; kat kumba me la ngeit, kan long ruh ïa me.” Te ha kata hi ka por la pynkhiah ïa u shakri jong u.

MATHAÏOS 8:13 ပူးပေါင်းရင်းမြစ်များ

EKLESIASTIS 9:7

To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

MATHAÏOS 15:28

Kumta U Jisu u la jubab ïa ka, “Pha long ka briew kaba khraw ka jingngeit! Ïa kaei kaba pha kwah yn leh na ka bynta jong pha.” Bad ha kata ka khyllipmat la pynkhiah ïa ka khun jong ka.

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 8:4

Nangta U Jisu u la ong ha u, “To shahshkor! Wat ïathuh hano hano, hynrei khie leit beit beit sha u lyngdoh bad ai un khmih bniah ïa me; te khnang ban pynshisha ha uwei uwei baroh ba me la khiah, ai ïa ka jingkñia kaba u Moses u la hukum.”

MATHAÏOS 9:22

U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

MARKOS 7:29

Kumta U Jisu u la ong ïa ka, “Namar kata ka jubab, khie leit phai pat sha ïing, ha kaba phan shem ba u ksuid u la mihnoh na ka khun jong pha!”

MARKOS 9:23

“Ho-oid,” U Jisu u la ong, “lada ma me hi me lah. Kiei kiei baroh ki long kiba lah ïa u briew uba don ka jingngeit.”

ÏOANNIS 4:50

U Jisu u la ong ha u, “Khie leit, u khun jong me un im!” Uta u briew u la ngeit ïa ki ktien U Jisu bad u la leit noh.