MATHAÏOS 8:11 - Khasi CL Bible (BSI)

¹¹ Nga pynthikna ïa phi ba shibun kin ïawan na mihngi bad na sepngi bad kin ïashong lem bad u Abraham, u Isaak bad u Jakob ha ka jingkhawai hapoh ka Hima ki bneng.

KA BAIBL

¹¹ Nga ong ruh ha phi, ba shibun kin ïawan na mihngi bad na sepngi, bad kin ïashong shaniah lem bad u Abraham, bad u Isaak, bad u Jakob ruh, ha ka hima ki bneng:

MATHAÏOS 8:11 ပူးပေါင်းရင်းမြစ်များ

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

JENESIS 22:18

Ki jaitbynriew baroh kin sa kyrpad ïa nga ban kyrkhu ïa ki kumba nga la kyrkhu ïa ki khun ki ksiew jong me — baroh namar ba me la kohnguh ïa ka hukum jong nga.”

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 98:3

U bat ïa la ka kular ha ki paid Israel da ka jingïaineh bad jingieit baneh ïa ki. Ki briew baroh kiba don sawdong ki la ïohi ïa ka jingjop U Blei jong ngi.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 49:12

Ki briew jong nga kin wan na jngai bah, na shatei bad na sepngi, bad na Aswan kaba don shathie.”

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MATHAÏOS 21:41

“Da shisha un pynïap ïa kito ki briew kiba sniew,” ki la jubab, “bad un aiwai ïa ka bri sohwaiñ ha kiwei pat ki nongshimwai, ki ban ai ha u ïa ka bhah jong u na ka jingkheit ha ka por kaba biang.”

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 8:10

Haba U Jisu u la ïohsngew ïa kane, u la lyngngoh bad u la ong ha ki briew kiba bud ïa u, “Nga ong ha phi, ngam pat ju shem ïano ïano ha Israel lem bad ka jingngeit kaba kum kane.

LOUKAS 12:37

A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

LOUKAS 16:22

“U briew uba duk u la ïap bad la bah da ki angel ban shong hajan u Abraham ha ka jingkhawai ha bneng. U riewspah u la ïap bad la tep,

KI KAM 10:45

Ki Jiw kiba la ngeit kiba la wan na Joppa lem bad u Petros ki la sngewlyngngoh ba U Blei u la theh ïa ka jingai ïa U Mynsiem Bakhuid ha ki Jentil ruh.

KI KAM 11:18

Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

KI KAM 14:27

Haba ki la poi ha Antiokh, ki la lumlang ïa ki briew jong ka balang bad ki la ïathuh ha ki ïa kaei kaei baroh kaba U Blei u la leh bad ki, bad kumno u la plie ka lynti na ka bynta ki Jentil ban ngeit.

1 KORINTH 15:20

Hynrei ka jingshisha ka long ba ïa U Khrist la pynmihpat na ka jingïap, kum ka jingbahkhlieh ba ïa kito kiba la ïap yn sa pynmihpat ruh ïa ki.

1 KORINTH 6:9

Shisha phi tip ba ki bymman kin ym ïohkynti ïa ka Hima U Blei. To wat shukor ïa lade; ki briew kiba awria lane kiba mane ïa ki bleithaw lane kiba klim lane kiba leh khyllah para shynrang

EPHESOS 3:6

Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

KOLOSSAI 3:11

Kaba mih na kata, ka long ba ym don shuh ka jingpynïapher hapdeng ki Jentil bad ki Jiw, kiba la shah otsher bad ki bym shym la shah otsher, ki riewkhlaw, ki riewdum, ki mraw bad kiba laitluid; hynrei U Khrist u long baroh, U Khrist u long ha baroh.

2 THESSALONI 1:5

Kane baroh ka pynshisha ba ka jingbishar ka jong U Blei ka long kaba hok, bad kumta phin long kiba bit na ka bynta ka Hima jong u, kaba na ka bynta jong ka phi shahshitom.