MATHAÏOS 7:22 - Khasi CL Bible (BSI)

²² Haba ka Sngi Bishar ka poi, kiba bun kin ong ha nga, ‘A Trai, A Trai! Ha ka kyrteng jong me ngi la kren ïa ka khubor jong U Blei, da ka kyrteng jong me ngi la beh noh ïa shibun ki ksuid bad ngi la leh shibun ki kambah!’

KA BAIBL

²² Shibun kin ïa-ong ha nga ha kata ka sngi, ‘A Trai, A Trai, ngi ngim shym la ïalap ha ka kyrteng jong me? Ngi ngim shym la beh noh ïa ki ksuid ha ka kyrteng jong me? Ngi ngim shym la leh shibun ki kambah ruh ha ka kyrteng jong me?’

MATHAÏOS 7:22 ပူးပေါင်းရင်းမြစ်များ

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

JINGKHEIÑ 24:4

Uba lah ban ïohsngew aïu U Blei u kren, Da ki khmat kiba peit nga ïohi ha ka jingïohi rngai Ka jingïohipaw na U Blei Badonbor.

JINGKHEIÑ 31:8

kiba kynthup ïa ki san ngut ki syiem Midian: u Ebi, u Rekem, u Sur, u Hur, bad u Reba. Ki la pynïap ruh ïa u Balaam u khun jong u Beor.

MATHAÏOS 10:15

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Sodom bad Gomorrah ban ïa ki briew jong kata ka nongbah!

MATHAÏOS 24:36

“Pynban, ym don uno uno ruh uba tip lano kata ka sngi bad ka kynta kan wan — ym ki angel ha bneng lymne U Khun; tang U Kpa hi uba tip.

MATHAÏOS 25:11

“Hadien la wan poi kita kiwei pat ki theisotti. ‘Ko kynrad, ko Kynrad! to plie ïa ngi!’ ki la pyrta jam.

MATHAÏOS 7:21

“Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

LOUKAS 10:12

Nga pynthikna ïa phi ba ha ka Sngi Bishar, U Blei un pyn-i shibun ka jingisynei ïa ka Sodom ban ïa kata ka shnong!

ÏOANNIS 11:51

Ha ka jingshisha, um shym la ong ïa kane na lade hi; pynban, naba u la long u Rangbah Lyngdoh ha kata ka snem, u la ïathuhlypa ba U Jisu u dei ban ïap na ka bynta ka jaitbynriew Jiw, bad ym tang na ka bynta jong ki, hynrei ba un pynwan lang ïa baroh ha kawei ka met ïa baroh ki briew jong U Blei kiba la pynsakma.

1 THESSALONI 5:4

Hynrei ma phi, ko parabangeit, phim long ha ka jingdum, bad ba ka Sngi kan lap kyndit ïa phi kum u nongtuh.

2 THESSALONI 1:10

haba u wan ha kata ka Sngi ban ïohpdiang ïa ka burom na ki briew jong u baroh bad ka jingpyndonburom na baroh kiba ngeit. Phi ruh phin long napdeng jong ki, namar ba phi la ngeit ïa ka khubor kaba ngi la ïathuh ha phi.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

2 TIMOTHI 1:18

To U Trai un ai ïa ka jinglehisynei ha u ha kata ka Sngi! Bad phi tip shai kdar katno ba u la leh na ka bynta jong nga ha Ephesos.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.