MATHAÏOS 7:21 - Khasi CL Bible (BSI)

²¹ “Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

KA BAIBL

²¹ “Ym u briew baroh uba ong ha nga, ‘A Trai, A Trai’, u ban ïoh leit hapoh ka hima ki bneng; hynrei, uta keiñ uba leh ïa ka mon U Kpa jong nga uba ha bneng.

MATHAÏOS 7:21 ပူးပေါင်းရင်းမြစ်များ

MATHAÏOS 12:50

Uno uno uba leh ïa kaei kaba U Kpa jong nga uba ha bneng u kwah ïa u ban leh u long u para jong nga, ka para jong nga, bad ka kmie jong nga.”

MATHAÏOS 16:17

“Kaba bha ïa me, ko Simon u khun jong u Jonah!” la jubab U Jisu. “Naba kane ka jingshisha kam shym la wan ha me na uno uno u briew, hynrei la ai ïa ka ha me beit beit da U Kpa jong nga uba ha bneng.

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MATHAÏOS 18:19

“Bad nga ong shuh shuh ha phi: Ha man ba ar ngut na phi, phi ïamynjur shaphang kaei kaei kaba phi ïa-pan, yn ai ïa kata ha phi da U Kpa jong nga uba ha bneng.

MATHAÏOS 18:3

bad u la ong, “Nga pynthikna ïa phi ba lymda phi kylla bad long kum ki khynnah, phin ym ïohrung da lei lei shapoh ka Hima ki bneng.

MATHAÏOS 18:35

Bad U Jisu u la pynkut, “Kata ka long kumno ba U Kpa jong nga uba ha bneng un leh ïa uwei pa uwei na phi lymda phi ïamap ïa la u hynmen u para naduh ka dohnud.”

MATHAÏOS 19:24

Nga ban biang: ka long kaba kham eh ïa u briew uba riewspah ban rung shapoh ka Hima U Blei ban ïa kaba ka ut ka rung lyngba i thliew thyrnia.”

MATHAÏOS 25:10

Kumta ki theisotti kiba bieit ki la ïaleit ban thied khyndiat ka umphniang; bad katba ki dang leit, la wan poi u nongleitkurim. Ki san ngut kiba la pynkhreh ki la ïaleit shapoh lem bad u sha ka jingkhawai shongkurim, bad ïa ka jingkhang la khang.

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

MATHAÏOS 26:39

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

MATHAÏOS 26:42

Sa shisien U Jisu u la leit noh bad u la duwai, “Ko Kpa jong nga, lada ïa kane ka khuri ka jingshah shitom ym lah ban shim noh lymda nga dih ïa ka, ïa ka mon jong me yn leh.”

MARKOS 3:35

Uno uno uba leh ïa kaei kaba U Blei u kwah ïa u ban leh, u long u para jong nga, ka para jong nga, ka kmie jong nga.”

MARKOS 9:47

Bad lada ka khmat jong me ka pynlong ïa me ban duh noh ïa ka jingngeit jong me, khlaw noh ïa ka! Ka kham bha ïa me ban rung sha ka Hima U Blei tang da kawei ka khmat, ban ïa kaba don baroh ar tylli ki khmat bad ban shah bret sha dujok.

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

LOUKAS 13:25

U kynrad jong ka ïing un khie bad un khang ïa ka jingkhang; nangta haba phi ïeng shabar bad sdang ban tied ha ka jingkhang bad ong, ‘To plie ïa ka jingkhang na ka bynta jong ngi, ko kynrad!’ Un jubab ïa phi, ‘Ngam ithuh ïa phi nangno phi ïawan!’

LOUKAS 18:25

Ka long kaba kham eh ïa u riewspah ban rung shapoh ka Hima U Blei ban ïa ka ut ban leit lyngba ka thliew thyrnia.”

LOUKAS 6:46

“Balei ba phi khot ïa nga, ‘A Trai, A Trai,’ bad pynban phim leh ïa kaei kaba nga ong ha phi?

ÏOANNIS 14:7

Mynta ba phi la ithuh ïa nga,” u la ong ha ki, “phin ithuh ïa U Kpa jong nga ruh; bad naduh mynta phi da ithuh ïa u bad phi la ïohi ïa u.”

ÏOANNIS 15:23

Uno uno uba shun ïa nga u shun ïa U Kpa jong nga ruh.

ÏOANNIS 3:5

“Nga ïathuh ha me ïa ka jingshisha,” U Jisu u la jubab, “Ym don uba lah ban rung sha ka Hima U Blei khlem da kha na ka um bad na U Mynsiem.

ÏOANNIS 5:17

U Jisu u la jubab ïa ki, “U Kpa jong nga u ïai trei, bad ka dei ïa nga ruh ban trei.”

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

Ka Shithi U Paul Sha Ki Nong Rom 2:13

Naba ym dei da kaba ïohsngew ïa ka Hukum ba ki briew ki don ka jingïadei bad U Blei, hynrei da kaba leh ïa kaei kaba ka Hukum ka dawa.

EPHESOS 6:6

Leh ïa kane ym tang haba ki khmih ïa phi, namar ba phi kwah ban ïoh ka jingmynjur jong ki; hynrei, leh naduh ka dohnud baroh ïa kaei kaba U Blei u kwah, kum ki mraw U Khrist.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 THESSALONI 4:3

U Blei u kwah ïa phi ban long kiba khuid bad kiba lait phar na ka jingjakhlia ka jingawria.

1 THESSALONI 5:18

to long kiba sngewnguh ha kiei kiei baroh. Kane ka long kaei kaba U Blei u kwah na phi ha ka jingim jong phi ha U Khrist Jisu.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

HEBRU 4:6

Kito kiba la ïohsngew nyngkong ïa ka Khubor Babha kim shym ïohpdiang ïa kata ka jingjahthait, namar ba kim shym la ngeit. Ki don, te, kiwei pat ïa kiba la shah ban ïohpdiang ïa ka.

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

1 PETROS 2:15

Naba U Blei u kwah ïa phi ban pynsngap jar ïa ka jingkren khlem pyrkhat jong ki briew kiba bieit da ki kam babha ba phi leh.

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.