MATHAÏOS 7:19 - Khasi CL Bible (BSI)

¹⁹ Bad ïa uno uno u dieng u bym pynmih u soh uba bha la ju khet noh bad bret hapoh ka ding.

KA BAIBL

¹⁹ Ïa u dieng baroh u bymsei ki soh babha yn khet noh, yn bred ruh ïa u ha ka ding.

MATHAÏOS 7:19 ပူးပေါင်းရင်းမြစ်များ

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

DANIEL 4:14

U la pynbna ha ka sur bajam, ‘Pom ïa u dieng bad khet noh ïa ki tnat jong u; sloit ïa ki sla jong u bad pynsaphriang ïa ki soh jong u. Beh noh ïa ki mrad napoh jong u bad ïa ki sim na ki tnat jong u.

MATHAÏOS 3:10

Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding.

MATHAÏOS 7:18

U dieng uba plung bha um lah ban pynmih ki soh kiba sniew, bad u dieng uba swai um lah ban pynmih ki soh kiba bha.

LOUKAS 3:9

U sdie u la khreh ban khet ïa ki dieng na ki thied; ïa uno uno u dieng baroh u bym sei u soh babha yn khet noh bad bret ha ka ding.”

TITOS 3:14

Ki briew jong ngi ki dei ban nang ban pynlut ïa la ka por ha kaba leh babha, khnang ba ki lah ban pyndap ïa ki jingdonkam bashisha; kim dei ban im ka jingim ka bymlarkam.

HEBRU 6:8

Hynrei lada ka pynmih ïa ki shiah bad ïa ki ñiut, kam dondor ei ei; ka don ha ka, ka jingma naba U Blei un tim bad pynjot da ka ding.

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.