MATHAÏOS 7:12 - Khasi CL Bible (BSI)

¹² “Leh ïa kiwei ïa kaei kaba phi kwah ïa ki ba kin leh na ka bynta jong phi: Kane ka long ka jingmut jong ka Hukum u Moses bad jong ki jinghikai ki nongïathuhlypa.

KA BAIBL

¹² “Namar kata, ïa kiei kiei baroh kiba phi ïamon ba ki briew kin leh ha phi, kumta, to leh ma phi ruh ha ki: naba kane ka long Ka Hukum bad Ki Nongïathuhlypa.

MATHAÏOS 7:12 ပူးပေါင်းရင်းမြစ်များ

ESEKIEL 18:21

“Lada u briew uba sniew u sangeh ban leh pop bad u sumar ïa ki aiñ jong nga, lada u leh ïa kaba dei bad kaba bha, un ym ïap; un im da shisha.

LEBITIKOS 19:18

Wat pynhiarkput ïano ïano lane ban ïai isih ïa u, hynrei ieit ïa la u paramarjan kumba phi ieit ïa lade. Nga long U Trai.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 5:17

“Wat pyrkhat ba nga la wan ban pyndam noh ïa ka Hukum u Moses bad ïa ki jinghikai jong ki nongïathuhlypa. Ngam shym la wan ban pyndam noh ïa ki, hynrei ban pynurlong shisha ïa ki jinghikai jong ki.

LOUKAS 6:31

Leh ïa kiwei kumba phi kwah ïa ki ban leh ïa phi.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

JAKOB 2:8

Phi leh ïa kaei kaba dei lada phi kohnguh ïa ka hukum jong ka hima, ïa kaba la shem ha ka Jingthoh Bakhuid, “To ieit ïa la u paramarjan kumba ieit ïa lade.”